ନୂଆଦିଲ୍ଲୀ: ପହିଲିୱାନ ତଥା ଡବ୍ଲ୍ୟୁଡବ୍ଲ୍ୟୁଇ ଷ୍ଟାର ଦି ଗ୍ରେଟ ଖଲୀଙ୍କୁ କିଏ ବା ନ ଜାଣେ । ନିକଟରେ ସେ ହାର୍ଲେ ଡେଭିଡସନ ହ୍ୟାରିଟେଜ ସଫ୍ଟଟେଲ କ୍ଲାସିକ ମୋଟର ସାଇକେଲ ଚଳାଇବା ଫଟୋ ଏବଂ ଭିଡିଓ ଭାଇରାଲ ହୋଇଛି । ଖଲୀ ପ୍ରଶଂସକଙ୍କ ପାଇଁ ଏହି ଭିଡିଓ ଶେୟାର କରିଥିଲେ । ଏହା ଏକ ଦାମୀ, ମଜଭୁତ ଓ ବଡ ମୋଟରସାଇକେଲ ହୋଇଥିଲେ ମଧ୍ୟ ଖଲୀଙ୍କ ପାଖରେ ଏହା ଏକ ଛୋଟ ଖେଳଣା ପରି ଅନୁଭବ ହେଉଥିଲା । ପିଲାମାନଙ୍କ ଛୋଟ ବାଇକ ପରି ଖଲୀ ଏହାକୁ ଚଳାଉଥିଲେ । ଏହି ବାଇକର ଉଚ୍ଚତା ୧୦୪୮ ମିମି ଓ ଲମ୍ବ ୨୪୦୫ ମିମି । ଖଲୀଙ୍କ ଶରୀରର ଉଚ୍ଚତା ଅଧିକ ହୋଇଥିବାରୁ ସେ ମୋଟରସାଇକେଲ ଉପରେ ବସିବା ମାତ୍ରେ ଏହା ଅତି ଛୋଟ ଲାଗୁଛି ।
ଦି ଗ୍ରେଟ ଖଲୀଙ୍କ ପ୍ରକୃତ ନାମ ଦାଲୀପ ସିଂ ରାଣା । ରେସଲିଂରେ ଅବସର ନେବା ପରେ ସେ ଡବ୍ଲ୍ୟୁଡବ୍ଲ୍ୟୁଇରେ ଖଲୀ ନାମରେ ସାମିଲ ହୋଇଥିଲା । ଏଥିରେ ସେ ପ୍ରଥମ ଭାରତୀୟ ହେଭିୱେଟ ଭାବେ ଟାଇଟଲ ମଧ୍ୟ ହାସଲ କରିଥିଲେ । ତାଙ୍କ ଓଜନ ୧୮୭ କେଜି ଓ ଉଚ୍ଚତା ୨.୧୬ ମିଟର ।
Comments are closed.