ମୁମ୍ବାଇ: ସୁପରନାଚୁରାଲ କମେଡି ଫିଲ୍ମ ‘ଶକ୍ତି ଶାଳିନି’ ଚଳିତ ବର୍ଷ ଡିସେମ୍ବର ୩୧ ତାରିଖରେ ମୁକ୍ତିଲାଭ କରିବ। ‘ସ୍ତ୍ରୀ’ ଔର ‘ଭେଡିଆ’ର ସଫଳତା ପରେ ‘ଶକ୍ତି ଶାଳିନି’ ହେଉଛି ମ୍ୟାଡକ୍ ଫ୍ରାଞ୍ଚାଇଜର ପଞ୍ଚମ ଫିଲ୍ମ। ତେବେ ରିପୋର୍ଟ ଅନୁଯାୟୀ ଫିଲ୍ମର ଲିଡ୍ ଅଭିନେତ୍ରୀଙ୍କୁ ମଧ୍ୟ ଚୂଡ଼ାନ୍ତ କରାଯାଇଛି।
ଏଥିପାଇଁ ‘ଗେମ ଚେଞ୍ଜର’ର ଅଭିନେତ୍ରୀ କିଆରା ଆଡଭାନୀଙ୍କ ନାଁକୁ ନେଇ ଚର୍ଚ୍ଚା ହେଉଛି। ୨୦୨୪ରେ କିଆରାଙ୍କୁ ଅନେକ ଥର ମ୍ୟାଡ୍ଡକ୍ ଅଫିସରେ ଦେଖିବାକୁ ମିଳିଥିଲା । ତା’ପରଠୁ ଏହି ଖବର ଭାଇରାଲ ହେଉଛି । ଯଦି ଖବର ସତ ହୁଏ, ମ୍ୟାଡ୍ଡକ୍ ଫିଲ୍ମସ ସହ କିଆରାଙ୍କର ଏହା ପ୍ରଥମ ଫିଲ୍ମ ହେବ । ତେବେ ଫିଲ୍ମର ସୁଟିଂ ୨୦୨୫ ମଧ୍ୟଭାଗରେ ଆରମ୍ଭ ହେବ।
ଗେମ୍ ଚେଞ୍ଜର ଫିଲ୍ମରେ ରାମ ଚରଣଙ୍କ ବିପକ୍ଷରେ ରହିଛନ୍ତି କିଆରା ଆଡଭାନୀ। ଶଙ୍କରଙ୍କ ନିର୍ଦ୍ଦେଶିତ ଏହି ଆକ୍ସନ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ବିଶେଷ ଉତ୍ସାହ ଭରି ରହିଛି। ଫିଲ୍ମରେ ରାମଚରଣ ଉଭୟ ବାପା ଓ ପୁଅ ଭୂମିକାରେ ନଜର ଆସିବାକୁ ଥିବାବେଳେ ସିନେମା ୧୦ତାରିଖ ଦିନ ବଡ଼ ପରଦାକୁ ଆସିବ।