ଓଡ଼ିଶା ସମ୍ବାଦ ବ୍ୟୁରୋ: ନୀତୀଶ କୁମାର ବିଜେପି ସହ ମେଣ୍ଟ ଭାଙ୍ଗିଛନ୍ତି। କିନ୍ତୁ ଏପରି ମେଣ୍ଟ ଭାଙ୍ଗିବା ତାଙ୍କ ପାଇଁ କିମ୍ବା ଦେଶର ରାଜନୀତିରେ କିଛି ନୂଆ ନୁହେଁ। ତେବେ ବାରମ୍ବାର ପଟ୍ଟ ପରିବର୍ତ୍ତନ କରି କ୍ଷମତାରେ ରହିଥିବା ଏହି ନେତାଙ୍କୁ ନେଇ ସାରା ଦେଶରେ ଚର୍ଚ୍ଚା ଭିତରେ ଜେଡିୟୁ ପାଟନାରେ ନିଜ ଦଳୀୟ କାର୍ଯ୍ୟାଳୟ ବାହାରେ ଏକ ପୋଷ୍ଟର ଲଗାଇଛି । ଯେଉଁଥିରେ ନୀତୀଶ କୁମାର ‘ସବକେ ହେଁ’ ବୋଲି ଉଲ୍ଲେଖ ରହିଛି ।
ନରେନ୍ଦ୍ର ମୋଦୀଙ୍କୁ ଏନଡିଏର ପ୍ରଧାନମନ୍ତ୍ରୀ ପ୍ରାର୍ଥୀ ଘୋଷଣା କରିବା ପରେ ଏହାକୁ ବିରୋଧ କରି ୨୦୧୪ ଲୋକସଭା ନିର୍ବାଚନ ପୂର୍ବରୁ ନୀତୀଶ କୁମାର ମଧ୍ୟ ବିଜେପି ସହ ସମ୍ପର୍କ ଛିନ୍ନ କରିଥିଲେ। ଏହା ପରେ ଲୋକସଭା ନିର୍ବାଚନରେ ଜେଡିୟୁର ପ୍ରଦର୍ଶନ ଅତ୍ୟନ୍ତ ଖରାପ ହୋଇଥିଲା । ଦଳ ମାତ୍ର ୨ ଟି ସିଟ୍ ଜିତିଥିଲା। ଦଳର ଖରାପ ପ୍ରଦର୍ଶନ ପାଇଁ ନୀତୀଶ କୁମାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଏହା ପରେ ଜିତନ ରାମ ମଞ୍ଜୀ ରାଜ୍ୟର ମୁଖ୍ୟମନ୍ତ୍ରୀ ହୋଇଥିଲେ।
ଏହା ପରେ ବିହାରରେ ବିଜେପି ଏବଂ ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ ଏକ ମହାମେଣ୍ଟ ଗଠନ ହୋଇଥିଲା । ଯେଉଁଥିରେ ଜେଡିୟୁ, କଂଗ୍ରେସ, ଆରଜେଡି ସମେତ ସମସ୍ତ ଦଳ ଯୋଗ ଦେଇଥିଲେ। କିନ୍ତୁ ୨ ବର୍ଷ ପରେ ନୈତିକତା ଦର୍ଶାଇ ଜେଡିୟୁ ମହାମେଣ୍ଟରୁ ଅଲଗା ହୋଇ ଏନଡିଏକୁ ଫେରିଥିଲା। ନୀତୀଶ କୁମାର ମୁଖ୍ୟମନ୍ତ୍ରୀ ହୋଇଥିଲେ।
୨୦୨୦ରେ ନୀତୀଶ କୁମାର ବିଜେପି ସହ ମିଳିତ ଭାବରେ ନିର୍ବାଚନ ଲଢିଥିଲେ । ଏବଂ ନିର୍ବାଚନରେ ବିଜେପି ୭୭ ଟି ସିଟ୍ ଏବଂ ଜେଡିୟୁ ୪୫ଟି ଆସନ ପାଇଥିଲା। ଜେଡିୟୁ କମ୍ ଆସନ ଜିତିଥିଲେ ମଧ୍ୟ ବିଜେପି ତାଙ୍କୁ ଏନଡିଏର ନେତା ଘୋଷଣା କରିଥିଲା। ପରେ ନୀତୀଶ କୁମାର ମୁଖ୍ୟମନ୍ତ୍ରୀ ହୋଇଥିଲେ।
- ନଜର ପକାନ୍ତୁ ନୀତୀଶ କୁମାର କ୍ଷମତା ପାଇଁ କେତେଥର ପଟ୍ଟ ପରିବର୍ତ୍ତନ କରିଛନ୍ତି
- ୨୦୧୪ ଲୋକସଭା ନିର୍ବାଚନ ପୂର୍ବରୁ ନୀତୀଶ ବିଜେପିଠୁ ଅଲଗା ହୋଇଥିଲେ
- ୨୦୧୪ ନୀତୀଶ କୁମାର ମହାମେଣ୍ଟରେ ଯୋଗ ଦେଇଥିଲେ
- ୨୦୧୭ରେ ଜେଡିୟୁ ଆରଜେଡି ଛାଡି ବିଜେପିରେ ଯୋଗ ଦେଇଥିଲେ
- ୨୦୨୪ ନିର୍ବାଚନ ପୂର୍ବରୁ ନୀତୀଶ ପୁଣିଥରେ ଆରଜେଡି ସହ ମେଣ୍ଟ କରିଛନ୍ତି
- ଅର୍ଥାତ୍ ପ୍ରତ୍ୟେକ ଲୋକସଭା ନିର୍ବାଚନ ପୂର୍ବରୁ ନୀତିଶ କୁମାର ପଟ୍ଟ ପରିବର୍ତ୍ତନ କରିଛନ୍ତି। ଗତ ୨୨ ବର୍ଷରେ ନୀତୀଶ କୁମାର ୭ ଥର ମୁଖ୍ୟମନ୍ତ୍ରୀ ହୋଇଥିଲେ, ଯେଉଁଥିରୁ ସେ ବିଜେପି ସହ ମିଳିତ ଭାବରେ ୬ ଥର କ୍ଷମତାକୁ ଆସିଥିଲେ।
ନୀତୀଶ କେବେ କେବେ ମୁଖ୍ୟମନ୍ତ୍ରୀ ହୋଇଥିଲେ
- ୨୦୦୦ରେ ଜେଡିୟୁ-ବିଜେପି ମହାମେଣ୍ଟ ଗଠନ କରିଥିଲା। ସଂଖ୍ୟାଗରିଷ୍ଠତା ନଥିଲା ତେଣୁ ୧୦ ଦିନ ମଧ୍ୟରେ ଇସ୍ତଫା ଦେଇଥିଲେ
- ୨୦୦୫ରେ ଜେଡିୟୁ-ବିଜେପି ମହାମେଣ୍ଟ ଥିଲା। ନୀତୀଶ କାର୍ଯ୍ୟକାଳ ପୂରଣ କରିଥିଲେ ଏବଂ ସରକାର ୫ ବର୍ଷ ପର୍ଯ୍ୟନ୍ତ ଚାଲିଥିଲା
- ୨୦୧୦ରେ ତୃତୀୟ ଥର ପାଇଁ ନୀତୀଶ କୁମାର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ
- ୨୦୧୪ରେ ନୀତୀଶ କୁମାର ପୁଣିଥରେ ଇସ୍ତଫା ଦେଇଥିଲେ ଏବଂ ଜିତନ ରାମ ମଞ୍ଜୀଙ୍କୁ ମୁଖ୍ୟମନ୍ତ୍ରୀ ଆସନ ଛାଡିଥିଲେ
- ୨୦୧୫ରେ ଜେଡିୟୁ-ଆରଜେଡି ମଧ୍ୟରେ ମହାମେଣ୍ଟ ହୋଇଥିଲା । ନୀତୀଶଙ୍କ ନେତୃତ୍ୱରେ ସରକାର ଗଠନ ହୋଇଥିଲା
- ୨୦୧୭ରେ ମହାମେଣ୍ଚ ଛାଡି ପୁଣିଥରେ ବିଜେପି ସହିତ ସରକାର ଗଠନ କରିଥିଲେ
- ୨୦୨୦ରେ ବିଧାନସଭା ନିର୍ବାଚନରେ ଜେଡିୟୁ-ବିଜେପି ଏନଡିଏ ସଂଖ୍ୟାଗରିଷ୍ଠତା ହାସଲ କରିଛି
- ୨୦୨୦ରେ ୪୫ଟି ଆସନ ପାଇବା ପରେ ମଧ୍ୟ ନୀତୀଶ ମୁଖ୍ୟମନ୍ତ୍ରୀ ହୋଇଥିଲେ
