ବଲିଉଡରେ ଏଣ୍ଟ୍ରି କଲେ କ୍ରିଷ୍ଣା ରେଡ୍ଡି

ଭୁବନେଶ୍ୱର: ବଲିଉଡରେ ପାଦ ଥାପିଛନ୍ତି ପ୍ରିନ୍ସ ଡ୍ୟାନସ୍ ଗ୍ରୁପର କ୍ରିଷ୍ଣା ରେଡ୍ଡି । ସଂଜୀବ ଜୈସୱାଲଙ୍କ ନିର୍ଦ୍ଦେଶିତ ଚଳଚ୍ଚିତ୍ର ‘ବଗାୱତ’ରେ କ୍ରିଷ୍ଣା ଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିବ । ସମ୍ବିଧାନ ପ୍ରଣେତା ଡ. ବି. ଆର୍‌. ଆମ୍ବେଦକରଙ୍କ ଜୀବନ କାହାଣୀକୁ ନେଇ ପ୍ରସ୍ତୁତ ହୋଇଛି । ରଜନୀଶ ଡଗଲ୍ ଏଥିରେ ମୁଖ୍ୟ ଭୂମିକାରେ ଅଛନ୍ତି । ଏବେ ଚଳଚ୍ଚିତ୍ରର ସୁଟିଂ ଲକ୍ଷ୍ନୌରେ ଚାଲିଛି । ଏହା ପରେ ମୁମ୍ବାଇ ଓ ରାଜସ୍ଥାନର ବିଭିନ୍ନ ସ୍ଥାନରେ ୪୫ ଦିନର ସୁଟିଂ ହେବ ।
ପୂର୍ବରୁ ‘କ୍ରିଷ୍ଣା-ଷ୍ଟୋରି ଅଫ୍ ଏ ଡ୍ୟାନ୍ସର’ ନାମରେ ଓଡିଆ ଚଳଚ୍ଚିତ୍ର ରିଲିଜ ହୋଇଥିଲା । ଏଥିରେ କ୍ରିଷ୍ଣା ମୁଖ୍ୟ ଭୂମିକାରେ ଅଭିନୟ କରିଥିଲେ । କ୍ରିଷ୍ଣାଙ୍କ ନିର୍ଦ୍ଦେଶିତ ‘ଦେବୀ’ ଚଳଚ୍ଚିତ୍ର ମଧ୍ୟ ପ୍ରସ୍ତୁତ ଚାଲିଛି । କ୍ରିଷ୍ଣା ଜାତୀୟ ସ୍ତରର ଏକ ଚ୍ୟାନେଲରେ ପ୍ରସାରିତ ହେଉଥିବା ଏକ ରିଅଲିଟି ସୋ’ରେ ସେ ବିଜେତା ହୋଇ ବେଶ୍ ନାଁ କମାଇଥିଲେ ।