ନୂଆଦିଲ୍ଲୀ: ଲଖିମ୍ପୁର ଖେରୀ ହିଂସାକୁ ନେଇ ଉତ୍ତରପ୍ରଦେଶ ସରକାର ଦେଇଥିବା ଏକ ଷ୍ଟାଟସ୍ ରିପୋର୍ଟକୁ ନେଇ ସୋମବାର ସୁପ୍ରିମକୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। ଅନୁସନ୍ଧାନର ଅଗ୍ରଗତିକୁ ନେଇ ଅସନ୍ତୋଷ ବ୍ୟକ୍ତ କରି ସୁପ୍ରିମକୋର୍ଟ କହିଛନ୍ତି ଯେ ଏହା ଆମର ଆଶା ଅନୁଯାୟୀ ଘଟୁନାହିଁ।
ସୁପ୍ରିମକୋର୍ଟ କହିଛନ୍ତି ଯେ ଉତ୍ତରପ୍ରଦେଶ ସରକାର ଦାଖଲ କରିଥିବା ଷ୍ଟାଟସ୍ ରିପୋର୍ଟରେ ଅଧିକ ସାକ୍ଷୀ ପରୀକ୍ଷା କରାଯାଇଛି ବୋଲି କହିବା ଛଡା ଆଉ କିଛି ନାହିଁ। ଅବସରପ୍ରାପ୍ତ ହାଇକୋର୍ଟର ଜଣେ ବିଚାରପତିଙ୍କ ତତ୍ତ୍ବାବଧାନରେ ଲଖିମ୍ପୁର ଖେରୀ ହିଂସା ମାମଲାର ତଦନ୍ତ ପାଇଁ କୋର୍ଟ ପରାମର୍ଶ ଦେଇଛନ୍ତି ଏବଂ ଉତ୍ତରପ୍ରଦେଶ ସରକାରଙ୍କୁ ଶୁକ୍ରବାର ସୁଦ୍ଧା ଏହାର ଆଭିମୁଖ୍ୟ ସ୍ପଷ୍ଟ କରିବାକୁ କହିଛନ୍ତି।