ବ୍ରହ୍ମପୁର: ସମ୍ଭାବ୍ୟ ବାତ୍ୟାର ପ୍ରଭାବ ଗଞ୍ଜାମ ଜିଲା ଉପରେ ପଡ଼ିବ ନାହିଁ। ତଥାପି ସତର୍କତାମୂଳକ ପଦକ୍ଷେପ ଭାବେ ସରକାରୀ କର୍ମଚାରୀଙ୍କ ଛୁଟି ବାତିଲ୍ କରିଛନ୍ତି ଗଞ୍ଜାମ ଜିଲାପାଳ ଦିବ୍ୟଜ୍ୟୋତି ପରିଡ଼ା। ହେଡକ୍ବାର୍ଟରେ ରହିବାକୁ ନିର୍ଦେଶ ଦେଇଛନ୍ତି। ସମ୍ତ ଛୁଟିକୁ ବାତିଲ୍ କରାଯାଇଛି।
ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଯୋଗୁଁ ଆସନ୍ତା ୨୩ ତାରିଖ ଠାରୁ ୨୫ ତାରିଖ ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ରହିଛି। ଏନେଇ ଶୁକ୍ରବାର ସ୍ବତନ୍ତ୍ର ରିଲିଫ କମିଶନର ପ୍ରଦୀପ୍ତ କୁମାର ଜେନା ଜିଲାପାଳମାନଙ୍କ ସହ ଭିଡ଼ିଓ କନ୍ସଫ୍ରେନ୍ସିଂରେ ଆଲୋଚନା ବେଳେ ଅବଗତ କରାଇଥିଲେ। ଜିଲାପାଳ ପରିଡ଼ା ଏଥିରେ ସାମିଲ ହୋଇଥିଲେ। ଏସଆରସି ଜେନା ସୂଚନା ଦେଇଥିଲେ ଯେ, ବାତ୍ୟା ବାଂଲାଦେଶକୁ ସ୍ଥଳ ଭାଗକୁ ସ୍ପର୍ଶ କରିବ। ଏହା ସମୁଦ୍ର ମଧ୍ୟଦେଇ ଗତି କରିବ। ସମୁଦ୍ର ଅଶାନ୍ତ ରହିବ। ସମୁଦ୍ର ତଟବର୍ତ୍ତି ଜିଲାପାଳମାନେ ସତର୍କ ରହିବାକୁ ସେ ପରାମର୍ଶ ଦେଇଥିଲେ। ଗଞ୍ଜାମ ଜିଲାକୁ ଏହାର ପ୍ରଭାବ ପଡିନପାରେ ବୋଲି କହିଥିଲେ। ସମୁଦ୍ର ମଧ୍ୟକୁ ମତ୍ସ୍ୟଜୀବୀମାନଙ୍କୁ ସଂପୂର୍ଣ୍ଣ ବାରଣ କରାଯାଇଛି। ତଳିଆ ଅଞ୍ଚଳରେ କିମ୍ବା ମାଟିକାନ୍ଥ ଅବା କଚ୍ଚା ଘରେ ରହୁଥିବା ଲୋକଙ୍କୁ ନିକଟସ୍ଥ ଗ୍ରାମପଞ୍ଚାୟତ କୋଠାଘର, ବିଦ୍ୟାଳୟ କିମ୍ବା ବାତ୍ୟା ଆଶ୍ରୟ ସ୍ଥଳରେ ରଖାଯାଇ ଖାଦ୍ୟ ପାନୀୟ ବ୍ୟବସ୍ଥା କରିବାକୁ ଜିଲାପାଳଙ୍କୁ ଏସଆରସି ଜେନା ନିର୍ଦେଶ ଦେଇଥିଲେ। ନିୟୋଜିତ ହୋଇଥିବା କର୍ମଚାରୀମାନଙ୍କ ତାଲିକା ଏବଂ ସେମାନଙ୍କ ଯୋଗାଯୋଗ ନମ୍ବର ଦେବାକୁ କୁହାଯାଇଛି। ଯେଉଁ କର୍ମଚାରୀ କିମ୍ବା ଅଧିକାରୀ ବାତ୍ୟା ମୁକାବିଲା ଦାୟିତ୍ବରେ ଥାଇ ପରିଚାଳନାରେ ଅସୁବିଧା ସୃଷ୍ଟି କରିବେ, ସେମାନଙ୍କ ବିରୋଧରେ ଏସଆରସି ଆଇନ୍ ବଳରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସମୁଦ୍ର ମଧ୍ୟକୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି। ସମୁଦ୍ର ମଧ୍ୟରେ ନୌକା ନଥିବା ଏବଂ କେହି ମତ୍ସ୍ୟଜୀବୀ ସମୁଦ୍ର ମଧ୍ୟରେ ନାହାଁନ୍ତି ବୋଲି ଜିଲା ମତ୍ସ୍ୟ ଅଧିକାରୀ ଲିଖିତ ପ୍ରମାଣ ପତ୍ର ଦେବାକୁ ନିର୍ଦେଶ ଦିଆଯାଇଛି। ଗଞ୍ଜାମ ଜିଲାକୁ ବାତ୍ୟା ସ୍ପର୍ଶ କରିବ ନାହିଁ ବୋଲି କୁହାଯାଇଛି। ତଥାପି ସତର୍କ ରହିବାକୁ ପରାମର୍ଶ ଦିଆଯାଇଛି। ବୈଠକରେ ମୁଖ୍ୟ ଉନ୍ନୟନ ଅଧିକାରୀ-ତଥା- କାର୍ଯ୍ୟନିର୍ବାହୀ ଅଧିକାରୀ, ଜିଲା ପରିଷଦ ଭି.କିର୍ତ୍ତି ଭାସନ, ପ୍ରୋବେସୋନାରୀ ଆଇଏଏସ ଧୀନା, ଛତ୍ରପୁର ଉପ ଜିଲାପାଳ ପ୍ରସନ୍ନ କୁମାର ପାତ୍ର, ଜିଲା ଜରୁରୀ କାଳୀନ ଅଧିକାରୀ ସୁକାନ୍ତ ଚନ୍ଦ୍ର ପ୍ରମୁଖ ଉପସ୍ଥିତ ଥିଲେ।
BREAKING NEWS
- ପାକିସ୍ତାନ ଆତଙ୍କୀଙ୍କୁ ଅଜଣା ବନ୍ଧୁକ ଧାରିଙ୍କ ଭୟ : ଠିକଣା ବଦଳାଇଲେ ହାଫିଜ୍ ଓ ମସୁଦ୍
- ୬ ଜିଲ୍ଲାର ବାସିନ୍ଦା ହେଲେ ଏକତ୍ରିତ …ଗନ୍ଧମାର୍ଦ୍ଦନରେ ପ୍ରାକୃତିକ ସମ୍ପଦର ସୁରକ୍ଷା ନେଇ ଅଣ୍ଟା ଭିଡ଼ିଲେ
- “ଗଣତନ୍ତ୍ର ବଞ୍ଚାଓ-ଅରାଜକତା ହଟାଓ” ପଦଯାତ୍ରା: ବିରୋଧୀଙ୍କୁ ବିଜେପିର ଟାର୍ଗେଟ୍
- ‘ଆମେ ବିନା କାରଣରେ ବଦନାମ ହେଉଛୁ’, କାହିଁକି ଏପରି କହିଲେ ଅଭିନେତ୍ରୀ ଅନନ୍ୟା ପାଣ୍ଡେ?
- ‘ରାମାୟଣ’ରେ ଜଟାୟୁଙ୍କ ଚରିତ୍ର ପାଇଁ ୨୦୦ ଥର ଅଭ୍ୟାସ କରିଥିଲେ ଅନୁପମ ଖେର
- ଲସ୍ ଏଞ୍ଜେଲସ୍ ୨୦୨୮ ପାଇଁ କିଭଳି ଟିକେଟ୍ ପାଇବେ ନୀରଜ ଚୋପ୍ରା?
- କୈକେୟୀ ଲୁକ୍ ପଛର ସଂଘର୍ଷ: ‘ରାମାୟଣ’ ସୁଟିଂ ବେଳେ ଲାରା ଦତ୍ତାଙ୍କ ହାତର ବ୍ରେସଲେଟ୍କୁ କରତରେ କାଟିଲା ଟିମ୍
- ପ୍ରଥମ ଥର ହରର୍ ଫିଲ୍ମରେ ନଜର ଆସିବେ ବରୁଣ ଧୱନ, ଜାଣନ୍ତୁ କେବେ ରିଲିଜ ହେବ…
- ସୁନା ଦୋକାନ ଲୁଟ୍ ଉଦ୍ୟମ ପଣ୍ଡ, ସଫ୍ଟୱେୟାର ଇଞ୍ଜିନିୟର ଗିରଫ
- ସମୁଦ୍ରରେ ସମ୍ଭାବ୍ୟ ବାତ୍ୟା ଆଶଙ୍କା ନେଇ ୧୭ରୁ ୨୦ ଯାଏଁ ମତ୍ସ୍ୟଜୀବୀଙ୍କୁ ସମୁଦ୍ର ମନା
Comments are closed.