ଇଂଲଣ୍ଡର ମହାନ ଫୁଟବଲ ଖେଳାଳି ନର୍ମାନଙ୍କ ଜୀବନ ନେଲା କିଲର କରୋନା

ଲିଡ୍ସ: ଇଂଲଣ୍ଡର ଖ୍ୟାତନାମା ଫୁଟବଲ ଖେଳାଳି ନର୍ମାନ ହଂଟରଙ୍କ ଜୀବନ ନେଇଛି କିଲର କରୋନା । ୭୬ ବର୍ଷୀୟ ଏହି ଖେଳାଳି କରୋନା ଭାଇରସରେ ଆକ୍ରାନ୍ତ ହେବା ପରେ ସ୍ୱାସ୍ଥ୍ୟୃାବସ୍ଥ ବିଗିଡି ଥିଲା । ଏପ୍ରିଲ ୧୦ରେ ତାଙ୍କୁ ଡାକ୍ତରଖାନାରେ ଭର୍ତି କରାଯାଇଥିଲା । ସମସ୍ତ ଉଦ୍ୟମ କରାଯିବା ସତ୍ୱେ ତାଙ୍କୁ ବଂଚାଯାଇ ପାରି ନ ଥିଲା । ବାଇଟ୍ସ ୟୋର ଲେଗ୍ସ ନିକ ନେମ୍ ପାଇଥିବା ନର୍ମାନ ଲିଡ୍ସ କ୍ଲବ ପକ୍ଷରୁ ଦୀର୍ଘଦିନ ଖେଳିଥିଲେ ।୧୪ ବର୍ଷ କ୍ୟାରିୟରରେ ସେ ତାଙ୍କ କ୍ଲବକୁ ୨ ଥର ଚାମ୍ପିୟନ କରାଇବାରେ ମୂଖ୍ୟ ଭୂମିକା ଗ୍ରହଣ କରିଥିଲେ । ଇଂଲଣ୍ଡର ୧୯୬୬ ବିଶ୍ୱକପ ବିଜୟୀ ଦଳର ମଧ୍ୟ ସେ ସଦସ୍ୟ ଥିଲେ । ଲିଡ୍ସ କ୍ଲବ ପ୍ରତି ନର୍ମାନଙ୍କ ଯୋଗଦାନକୁ ଭୁଲାଇ ହେବ ନାହିଁ । ସେ ସର୍ବଦା ଅନ୍ୟ ଖେଳାଳିମାନଙ୍କ ପାଇଁ ପ୍ରେରଣା ହେବେ ବୋଲି କ୍ଲବ ପକ୍ଷରୁ କୁହାଯାଇଛି ।