ଭୋପାଳ: ମଧ୍ୟପ୍ରଦେଶର ସାଗର ଜିଲ୍ଲାରେ ମାତିଛନ୍ତି ଆଇଫୋନ୍ ଲୁଟେରା। ଡକାୟତମାନେ ଟ୍ରକ ଡ୍ରାଇଭରକୁ ନିଶା ଦେଇ ୧୧ କୋଟି ଟଙ୍କା ମୂଲ୍ୟର ୧୫୦୦ ଆଇଫୋନ୍ ଲୁଟ୍ କରିଛନ୍ତି। ଏହି ଘଟଣା ସାମ୍ନାକୁ ଆସିବା ପରେ ଚାଞ୍ଚଲ୍ୟ ସୃଷ୍ଟି ହୋଇଛି। ମଧ୍ୟପ୍ରଦେଶ ପୋଲିସର ଅବହେଳା ପାଇଁ ଜଣେ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି। ଏହି ମାମଲାରେ ଅନ୍ୟ ଦୁଇ ଜଣ ପୋଲିସ ମୁତୟନ ହୋଇଛନ୍ତି।
ସାଗରର ଅତିରିକ୍ତ ଏସପି ସଞ୍ଜୟ ଉଇକେ କହିଛନ୍ତି ଯେ ଯେଉଁମାନେ ଫୋନ୍ ନେଇଥିଲେ ସେମାନେ ଦାବି କରିଛନ୍ତି ଯେ ଟ୍ରକ୍ ଡ୍ରାଇଭରକୁ ନିଶା ଦେଇ ପାଟି ବାନ୍ଧି ଏହି ଡକାୟତି କରାଯାଇଥିଲା। ଡକାୟତମାନେ ଡ୍ରାଇଭରକୁ ବାନ୍ଧି ଟ୍ରକର କ୍ୟାବିନରେ ରଖିଥିଲେ। ଟ୍ରକରେ ସମୁଦାୟ ୪୦୦୦ଟି ଆଇଫୋନ୍ ଥିଲା, କିନ୍ତୁ ଯେତେବେଳେ ଡ୍ରାଇଭରର ଚେତା ଫେରିଲା ସେହି ସମୟରେ ୧୫୦୦ଟି ଆଇଫୋନ୍ ଚୋରି ହୋଇଯାଇଥିଲା।
ଏହି ଘଟଣାରେ ପୋଲିସ ପରିବହନକାରୀଙ୍କ ଦାବିକୁ ଆମେ ଯାଞ୍ଚ କରି ଜାଣିବାକୁ ପାଇଲା ଯେ ପ୍ରାୟ ୧୧ କୋଟି ଟଙ୍କା ମୂଲ୍ୟର ୧୫୦୦ଟି ଆଇଫୋନ୍ ଲୁଟ୍ ହୋଇଛି। ଏହି ଫୋନ୍ ତିଆରି କରୁଥିବା କମ୍ପାନୀ ଆପଲ୍ ଏପର୍ଯ୍ୟନ୍ତ ପୋଲିସ ସହିତ ଯୋଗାଯୋଗ କରିନାହିଁ। ପ୍ରାୟ ୧୫୦୦ ଆଇଫୋନରେ ଭର୍ତ୍ତି କଣ୍ଟେନରଟି ହରିୟାଣାର ଗୁରୁଗ୍ରାମରୁ ଚେନ୍ନାଇ ଯାଉଥିଲା। ଏହି କଣ୍ଟେନରଟି ନରସିଂହପୁର ଜିଲ୍ଲା ନିକଟରେ ଥିବାବେଳେ ଡକାୟତି ହୋଇଥିଲା।
ସାଗର ଜିଲ୍ଲା ପୋଲିସ ଅଧୀକ୍ଷକ ବିକାଶ କୁମାର କହିଛନ୍ତି ଯେ ଅପରାଧୀଙ୍କୁ ଧରିବା ପାଇଁ ଆଠଟି ଟିମ୍ ଗଠନ କରାଯାଇଛି। ଏହି ମାମଲାର ପ୍ରାରମ୍ଭିକ ତଦନ୍ତରେ ସୁରକ୍ଷା କର୍ମୀଙ୍କ ଭୂମିକା ସାମ୍ନାକୁ ଆସୁଛି। ସୁରକ୍ଷା କର୍ମୀଙ୍କ ସହ ଯୋଗାଯୋଗ କରିବାରେ ଅସମର୍ଥ ଅଛନ୍ତି ପୋଲିସ। ବିନା କୌଣସି ପୋଲିସ ଯାଞ୍ଚରେ ସେହି ସୁରକ୍ଷା କର୍ମୀଙ୍କୁ ନିଯୁକ୍ତି ଦିଆଯାଇଥିଲା। ସୁରକ୍ଷା କର୍ମୀଙ୍କ ବିରୋଧରେ ଏକ ମାମଲା ରୁଜୁ ହୋଇଛି ଏବଂ ତଦନ୍ତ ଆରମ୍ଭ ହୋଇଛି।
Comments are closed.