ଭୁବନେଶ୍ଵର: ଗୁପ୍ତ ନବରାତ୍ରୀ ୨୦୨୪: ହିନ୍ଦୁ ଧର୍ମରେ ଅନେକ ପର୍ବ ପାଳନ କରାଯାଏ | ଏହି ପର୍ବଗୁଡ଼ିକ ମଧ୍ୟରୁ ଗୋଟିଏ ହେଉଛି ନବରାତ୍ରୀ | ପଞ୍ଚାଙ୍ଗ ଅନୁଯାୟୀ, ଗୋଟିଏ ବର୍ଷରେ ୪ଟି ନବରାତ୍ରୀ ପାଳନ ହୋଇଥାଏ, ଯେଉଁଥିରେ ଚୈତ୍ର, ଶାରଦୀୟ ଏବଂ ୨ଟି ଗୁପ୍ତ ନବରାତ୍ରୀ ଅନ୍ତର୍ଭୁକ୍ତ। ନବରାତ୍ରିର ସମସ୍ତ ୯ ଦିନ ଜଗତଜନନୀ ମା’ ଦେବୀ ଦୁର୍ଗାଙ୍କୁ ପୂଜା କରିବାର ପରମ୍ପରା ରହିଛି | ବର୍ତ୍ତମାନ ମାଘ ମାସ ଚାଲିଛି | ଏହି ମାସର ଶୁକ୍ଳ ପକ୍ଷ ପ୍ରତିପଦା ଠାରୁ ନବମୀ ତିଥି ପର୍ଯ୍ୟନ୍ତ ଗୁପ୍ତ ନବରାତ୍ରୀ ପାଳନ କରାଯାଏ |
ଶୁଭ ସମୟ
୨୦୨୪ ବର୍ଷର ପ୍ରଥମ ଗୁପ୍ତ ନବରାତ୍ରୀ ଆଜି ଠାରୁ ଆରମ୍ଭ ହେଉଛି । ୧୮ ଫେବୃଆରୀ ପର୍ଯ୍ୟନ୍ତ ଚାଲିବ ମା’ଙ୍କର ଏହି ଗୁପ୍ତ ନବରାତ୍ରୀ ପୂଜା । ପଞ୍ଚାଙ୍ଗ ଅନୁଯାୟୀ, ପ୍ରତିପଦା ତିଥି ୧୦ ଫେବୃଆରୀ ସକାଳ ୪:୨୮ ରୁ ୧୧ ଫେବୃଆରୀରେ ରାତି ୧୨:୪୭ ପର୍ଯ୍ୟନ୍ତ ରହିବ । ଘଟସ୍ଥାପନା ପାଇଁ ଶୁଭ ସମୟ ୧୦ ଫେବୃଆରୀ ଅର୍ଥାତ୍ ଆଜି ସକାଳ ୮.୪୫ ରୁ ୧୦.୧୦ ପର୍ଯ୍ୟନ୍ତ ରହିଛି | ମା ଦୁର୍ଗାଙ୍କ ଭକ୍ତମାନେ ଏହି ୧ ଘଣ୍ଟା ୨୫ ମିନିଟ ଭିତରେ ଘଟସ୍ଥାପନା କରିପାରିବେ |
ଗୁପ୍ତ ନବରାତ୍ରୀର ମହତ୍ୱ
ମାତା ଦୁର୍ଗାଙ୍କ ଆଶୀର୍ବାଦ ପାଇବା ପାଇଁ ଗୁପ୍ତ ନବରାତ୍ରୀର ଏହି ୯ ଦିନ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ | ଏହି ୯ ଦିନରେ, ଆପଣ ଗୁପ୍ତରେ ଦେବୀ ମା’ଙ୍କୁ ପୂଜା କରି ଅନେକ ସଫଳତା ହାସଲ କରିପାରିବେ | ଯେଉଁମାନେ ରୀତିନୀତି ଅନୁଯାୟୀ ମା ଦୁର୍ଗାଙ୍କୁ ପୂଜା କରନ୍ତି, ଅନେକ ଅସୁବିଧା ସେମାନଙ୍କ ଜୀବନରୁ ଦୂରେଇ ଯାଏ ଏବଂ ଶାନ୍ତି ଏବଂ ସମୃଦ୍ଧତା ବୃଦ୍ଧି ପାଏ | ତେବେ ଏହି ୯ ଦିନ ମଧ୍ୟରେ ଅନେକ କିଛି ଜିନିଷ ପ୍ରତି ଧ୍ୟାନ ଦେବା ଉଚିତ୍ ନଚେତ୍ ଦେବୀ ଭଗବତୀ ଆପଣଙ୍କ ଉପରେ କ୍ରୋଧିତ ହୋଇପାରନ୍ତି | ତେବେ ଗୁପ୍ତ ନବରାତ୍ରୀ ସମୟରେ କଣ କରିବା ଉଚିତ୍ ନୁହେଁ ଆସନ୍ତୁ ଜାଣିବା |
କଣ କରିବେ ନାହିଁ
- ଗୁପ୍ତ ନବରାତ୍ରୀର ୯ ଦିନ ଅତ୍ୟନ୍ତ ପବିତ୍ର ଅଟେ | ଏହି ଦିନଗୁଡିକରେ ଭୁଲ୍ ବସତଃ ମଧ୍ୟ ମଦ, ରସୁଣ ଏବଂ ପିଆଜ ପରି ତମାସିକ ଖାଦ୍ୟ ଖାଇବା ଉଚିତ୍ ନୁହେଁ |
- ଗୁପ୍ତ ନବରାତ୍ରୀର ଏହି ୯ ଦିନ ମନରେ ଥିବା ସମସ୍ତ ନକାରାତ୍ମକ ଚିନ୍ତାଧାରାକୁ ଏଡାଇବା ଉଚିତ୍ | କାହା ସହିତ ଯୁକ୍ତିତର୍କ କର ନାହିଁ, କ୍ରୋଧ କର ନାହିଁ ଏବଂ କାହା ବିଷୟରେ ଖରାପ କଥା କୁହ ନାହିଁ |
- ଗୁପ୍ତ ନବରାତ୍ରୀର ଏହି ୯ଦିନ ଘରକୁ ପରିଷ୍କାର ରଖନ୍ତୁ | ଘରୁ ସମସ୍ତ ପ୍ରକାରର ମଇଳା ଆବର୍ଜନା ବାହାର କରିଦିଅନ୍ତୁ | ଯଦି ଘରେ ମଇଳା ଥାଏ ତେବେ ମା’ ଦୁର୍ଗା କ୍ରୋଧିତ ହୋଇଥାଆନ୍ତି |