ବିଜେପିକୁ ଟିଏମସିର ଟାର୍ଗେଟ, ଚା’ ତିଆରି କରି ମୋଦୀଙ୍କୁ ଚ୍ୟାଲେଞ୍ଜ ଦେଲେ ମମତା !

କୋଲକାତା: ବିଜେପିକୁ ଟିଏମସିର ଟାର୍ଗେଟ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚା’ ବାଲା ଚ୍ୟାଲେଞ୍ଜ ଦେଇଛନ୍ତି। ଯାହାକୁ ନେଇ ଏବେ ରାଜନୈତି ମାହଲରେ ଚର୍ଚ୍ଚା ଜୋର ଧରିଛି। ପଶ୍ଚିମବଙ୍ଗର ଜଲପାଇଗୁଡିରେ ମମତା ବାନାର୍ଜୀ ବୁଧବାର ୱାଟ୍ ଲିଫ୍ ଫ୍ୟାକ୍ଟ୍ରିଜ(ବିଏଲଏଫ)ର ଛୋଟ ଚା’ ଚାଷୀଙ୍କ ଠାରୁ ସବୁଜ ପତ୍ର କ୍ରୟ ଜାରି ରଖିବାକୁ ଅନୁରୋଧ କରିଛନ୍ତି।

Smt. @MamataOfficial brings warmth and conversation to a local tea stall, embracing the spirit of the residents over a steaming cup of tea in Jalpaiguri! pic.twitter.com/tgdOvvb7zP

— All India Trinamool Congress (@AITCofficial) April 3, 2024

ମମତା ବାନାର୍ଜୀ ଜଲପାଇଗୁଡିର ଏକ ଚା’ ଦୋକାନରେ ପହଞ୍ଚି ନିଜେ ଦୋକାନୀଙ୍କ ସହ ଚା’ ପ୍ରସ୍ତୁତ କରୁଥିବା ଦେଖିବାକୁ ମିଳିଛି। ଯାହାର ଏକ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି। ଟିଏମସି ଏହି ଯାତ୍ରା ସମ୍ବନ୍ଧରେ ସୋସିଆଲ ମିଡିଆରେ ସେୟାର କରି ବିଜେପିକୁ ଚା’ ବାଲା ଚ୍ୟାଲେଞ୍ଜ ଦେଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାମ ନନେଇ ଟିଏମସି ସୋସିଆଲ ମିଡିଆ ଏକ୍ସରେ ଲେଖିଛି ଯେ ମମତା ବାନାର୍ଜୀ ଚା ’ଦୋକାନରେ ପହଞ୍ଚିଛନ୍ତି। ଏହି କାରଣରୁ ମନେ ହେଉଛି ଯେ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚା’ ଚ୍ୟାଲେଞ୍ଜ ଦେଇଛନ୍ତି ।