ମୁମ୍ବାଇ: ଗତ କିଛି ଦିନ ତଳେ କିଙ୍ଗଖାନ ତଥା ବଲିଉଡ ଅଭିନେତା ଶାହାରୁଖ ଖାନଙ୍କୁ ହତ୍ୟା ଧମକ ମିଳିଥିଲା । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା l ଏପରିକି ତାଙ୍କ ଘରର ସୁରକ୍ଷା ମଧ୍ୟ ବଢାଇ ଦିଆଯାଇଥିଲା । ସେବେଠାରୁ ମୁମ୍ବାଇ ପୋଲିସ କରୁଥିବା ବେଳେ ଏହି ମାମଲାରେ ଏବେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି l ଧମକ ଦେଇଥିବା ଅଭିଯୁକ୍ତ ଫୈଜାନ ଖାନଙ୍କୁ ଆଜି ସକାଳେ ଗିରଫ କରିଛି ମୁମ୍ବାଇ ପୋଲିସ ।
ବଲିଉଡର ସୁପରଷ୍ଟାର ଶାହାରୁଖ ଖାନଙ୍କୁ ଧମକ ଦେବା ମାମଲାରେ ଫୈଜାନ ଖାନଙ୍କୁ ଗିରଫ କରିବା ପାଇଁ ମୁମ୍ବାଇ ପୋଲିସ ସକାଳେ ରାୟପୁରରେ ପହଞ୍ଚିଥିଲା। ଟ୍ରାଞ୍ଜିଟ୍ ରିମାଣ୍ଡରେ ନେବା ପାଇଁ ପୋଲିସ ଜିଲ୍ଲା କୋର୍ଟରେ ଆବେଦନ କରିଛି l ଏହା ପରେ ତାଙ୍କୁ ତୁରନ୍ତ ବାନ୍ଦ୍ରା ପୋଲିସ ଷ୍ଟେସନକୁ ନିଆଯିବ l ତେବେ ନିକଟରେ ଫୈଜାନ୍ ଖାନ୍ ବାନ୍ଦ୍ରା ପୋଲିସ ଷ୍ଟେସନ ନିଜର ବୟାନ ଦେବାକୁ 14 ତାରିଖ ଦିନ ମୁମ୍ବାଇ ଆସିବ ବୋଲି କହିଥିଲା । କିନ୍ତୁ ଗତ ଦୁଇ ଦିନ ହେବ ତାଙ୍କୁ ଅନେକ ଧମକ ମିଳୁଥିଲା ଯେଉଁଥିପାଇଁ ସେ ଅନଲାଇନ୍ ହାଜିର ହେବା ପାଇଁ ଆବେଦନ କରିଥିଲା l କିନ୍ତୁ ମୁମ୍ବାଇ ପୋଲିସ ଏଥିପାଇଁ ରାଜି ନଥିଲା l
ସୂଚନାଯୋଗ୍ୟ, ନିକଟରେ ଶାହାରୁଖ ଖାନ ତାଙ୍କର 59 ତମ ଜନ୍ମଦିନ ପାଳନ କରିଥିଲେ। ସୁରକ୍ଷା ଦୃଷ୍ଟିରୁ ଏଥର ଶାହାରୁଖ ଖାନ ପ୍ରଶଂସକଙ୍କୁ ଅଭିବାଦନ ଜଣାଇବା ପାଇଁ ଜନ୍ମଦିନରେ ମନ୍ନତ ବାହାରକୁ ଆସି ନଥିଲେ। ଏପରିକି ପ୍ରଶଂସକଙ୍କୁ ବାହାରେ ରହିବାକୁ ମଧ୍ୟ ଅନୁମତି ଦିଆଯାଇନଥିଲା। ଗତ ନଭେମ୍ବର 5 ତାରିଖରେ ଶାହରୁଖଙ୍କୁ ଧମକ ମିଳିବ ନେଇ ଏଫ୍ଆଇଆର୍ ଦାଖଲ କରାଯାଇଥିଲା। ଏହାପରେ ଆଲର୍ଟ ମୋଡ଼ରେ ଥିଲା ମୁମ୍ବାଇ ପୋଲିସ l