କୋଲକାତା: ମାସ୍କ ନ ପିନ୍ଧିବାରୁ ଦିବ୍ୟାଙ୍ଗ ପୁଅକୁ ଗଲା କାଟି ହତ୍ୟା କଲା ବାପା । ଏଭଳି ଅଭାବନୀୟ ଘଟଣା ଘଟିଛି ପଶ୍ଚିମବଙ୍ଗରେ । ଏହାପରେ ହତ୍ୟାକାରୀ ବାପା ପୋଲିସ ଷ୍ଟେସନକୁ ଯାଇ ଆତ୍ମ ସମର୍ପଣ କରିଛି ।
ସୂଚନାମୁତାବକ, ଶନିବାର ଅପରାହ୍ନରେ ଅଭିଯୁକ୍ତ ବଂଶିଧର ମଲ୍ଲିକ ନିଜ ୪୫ ବର୍ଷୀୟ ଦିବ୍ୟାଙ୍ଗ ପୁଅକୁ ବାହାରକୁ ଯିବା ସମୟରେ ମାସ୍କ ପିନ୍ଧିବାକୁ କହିଥିଲେ । କିନ୍ତୁ ପୁଅ ଶୁଣିନଥିଲା । ଏହପରେ ବଂଶିଧର ରାଗିଯାଇ ପୁଅର ଗଳା କାଟି ହତ୍ୟା କରିଥିଲେ । ହତ୍ୟା କରିବା ପରେ ସନ୍ଧ୍ୟାରେ ବଂଶିଧର ଶ୍ୟାମପୁକୁର ପୋଲିସ ଷ୍ଟେସନକୁ ଆସି ଆତ୍ମ ସମର୍ପଣ କରିଛନ୍ତି ।
ପୋଲିସ ଅଭିଯୁକ୍ତର ଘରକୁ ଯାଇ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଖୋଲତାଡ ଆରମ୍ଭ କରିଛି । ସେପଟେ ଅଭିଯୁକ୍ତଙ୍କ ବିରୋଧରେ ପୋଲିସ ହତ୍ୟା ମାମଲା ରୁଜୁ କରିଛି ।
Comments are closed.