ଉତ୍ତରପ୍ରଦେଶ: ବର୍ଷ ଆରମ୍ଭରୁ ରକ୍ତ ଛିଟା । ହୋଟେଲରୁ ପରିବାର ୫ ଜଣଙ୍କ ମୃତଦେହ ଉଦ୍ଧାର । ଲକ୍ଷ୍ନୌର ଏକ ହୋଟେଲ ରୁମରୁ ମୃତଦେହ ଉଦ୍ଧାର କଲା ପୋଲିସ । ହତ୍ୟା ସନ୍ଦେହରେ ୨୪ ବର୍ଷୀୟ ଯୁବକଙ୍କୁ ଅଟକ ରଖିଲା ପୋଲିସ । ତେବେ ପାରିବାରିକ କଳହରୁ ଯୁବକ ଜଣଙ୍କ ହତ୍ୟା କରିଥିବା ନେଇ ସୂଚନା ମିଳିଛି । ମା’ ସହ ୪ ଭଉଣୀକୁ ନିଜେ ମାରିଥିବା ନେଇ ଅଭିଯୁକ୍ତ ସ୍ବୀକାର କରିଥିବା ନେଇ ସୂଚନା ଦେଇଛି ପୋଲିସ ।
ମିଳିଥିବା ସୂଚନା ଅନୁସାରେ, ଲକ୍ଷ୍ନୌର ପୋଲିସ୍ ଷ୍ଟେସନ ନାକା ଅଞ୍ଚଳରେ ଅବସ୍ଥିତ ଶରଣଜିତ ନାମକ ଏକ ହୋଟେଲରୁ ଗୋଟେ ପରିବାରର ୫ଜଣଙ୍କର ମୃତଦେହ ଉଦ୍ଧାର କରିଛି ପୋଲିସ । ମୃକମାନେ ହେଉଛନ୍ତି ଅଭିଯୁକ୍ତର ୪ ଭଉଣୀ ଏବଂ ମା । ସେଥିରୁ ୨ଜଣ ନାବାଳିକା ଥିବା ସୂଚନା । ସମସ୍ତେ ଆଗ୍ରା ଅଞ୍ଚଳର । ହୋଇଥିବା ବେଳେ ନୂଆବର୍ଷ ପାଇଁ ବୁଲାବୁଲି କରିବାକୁ ଆସି ସେହି ହୋଟେଲରେ ରହିଥିଲେ । ତେବେ ପାରିବାରିକ କଳହରୁ ଏପରି କାଣ୍ଡ ଘଟିଥିବା ନେଇ ସୂଚନା ମିଳିଛି । ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାସ୍ଥଳରୁ ଅଭିଯୁକ୍ତ ପୁଅ ଅର୍ଶଦକୁ ଗିରଫ କରିଛି ।
Comments are closed.