ବାଲେଶ୍ୱର: ବାଲେଶ୍ୱର ଜିଲ୍ଲାର ମୁଖ୍ୟ ଡାକ୍ତରଖାନାରେ ଏକ ଅଜବ ଘଟଣା ଦେଖିବାକୁ ମିଳିଛି। ଏକ ସାପ କାମୁଡିବା ପରେ ଜଣେ ବ୍ୟକ୍ତି ସାପ ଧରି ମେଡିକାଲରେ ପହଞ୍ଚିଛନ୍ତି। କାଳେ ଡାକ୍ତର ଜାଣିପାରିବେ ନାହିଁ କେଉଁ ସାପ କାମୁଡିଛି ବୋଲି ସାପ କାମୁଡାର ଶିକାର ହୋଇଥିବା ବ୍ୟକ୍ତିଙ୍କ ସାନ ଭାଇ ହସ୍ପିଟାଲକୁ ସାପଟିକୁ କାବୁ କରି ନେଇ ଆସିଛନ୍ତି।
ମିଳିଥିବା ସୂଚନା ଅନୁୟାୟୀ, ସାପ କାମୁଡିଥିବା ବ୍ୟକ୍ତି ଜଣକ ଗତକାଲି ରାତିରେ ନିଜ ଘର ପଛପଟ ରାସ୍ତା ଦେଇ ପରିବା କିଣିବାକୁ ଯାଉଥିବାବେଳେ ଗୋଡ଼ରେ ହଠାତ୍ ସାପ କାମୁଡି ଦେଇଥିଲା। ଏହାପରେ ସଂପୃକ୍ତ ବ୍ୟକ୍ତି ତାଙ୍କ ସାନ ଭାଇଙ୍କୁ ଫୋନ୍ କରି ସବୁ କଥା କହିଥିଲେ। ଏହାପରେ ଆକ୍ରାନ୍ତଙ୍କ ସାନ ଭାଇ ବଡ ଭାଇଙ୍କୁ ହସ୍ପିଟାଲ ନେଇ ଆସିଥିଲେ ଏପରିକି ସାଙ୍ଗରେ ଏକ ଜରି ଭିତରେ ଭର୍ତ୍ତି କରି ସେହି ସାପଟିକୁ ଧରି ନେଇ ଆସିଛନ୍ତି।
ସେହି ବ୍ୟକ୍ତି ଜଣକ କହିଥିଲେ ଯେ ସେ ତୁରନ୍ତ ଏକ ବାଡି ସାହାଯ୍ୟରେ ସାପକୁ ଧରି ଆଣି ଏକ ବ୍ୟାଗ ଭିତରେ ରଖିଥିଲେ। ଏହା ପରେ ସେ ଘରେ ଥିବା ତାଙ୍କ ସାନ ଭାଇଙ୍କୁ ଫୋନ୍ କରିଥିଲେ। ତାଙ୍କ ଭାଇ କହିଛନ୍ତି ଯେ ସେ ଫୋନ୍ ପାଇବା ପରେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ଏବଂ ସେତେବେଳକୁ ସାପକୁ ଧରି ବ୍ୟାଗରେ ଭର୍ତ୍ତି କରି ସାରିଥିଲେ।
ଏହାପରେ ଏହି ସାପକୁ ଏକ ପଲିଥିନ୍ ପ୍ୟାକେଟରେ ଭର୍ତ୍ତି କରାଇଥିଲେ ଏବଂ ଉଭୟ ସାପ ସହ ପାଖରେ ଥିବା ଡାକ୍ତରଖାନାକୁ ଦୌଡ଼ି ଯାଇଥିଲେ। ଏହା ଫଳରେ ଡାକ୍ତରମାନେ ଏହାକୁ ଚିହ୍ନଟ କରି ସେହି ଅନୁସାରେ ଚିକିତ୍ସା କରାଯାଇଛି।
ସେହି ବ୍ୟକ୍ତି ଜଣକ କହିଛନ୍ତି ଯେ ରକ୍ତ ନମୁନା ସଂଗ୍ରହ କରାଯିବା ବେଳେ ତାଙ୍କୁ ଡାକ୍ତରଖାନାରେ କିଛି ଔଷଧ ଦିଆଯାଇଥିଲା ଏବଂ ଇଞ୍ଜେକସନ୍ ଦିଆଯାଇଥିଲା। ଡାକ୍ତରମାନେ ସାପଟିକୁ ଚିହ୍ନଟ କରନ୍ତୁ ବୋଲି ଚାହୁଁଥିବାରୁ ସେ ତାକୁ ଡାକ୍ତରଖାନାକୁ ଆଣିବା ପାଇଁ ନିଷ୍ପତ୍ତି ନେଇଥିଲେ ଏବଂ ସେହି ଅନୁସାରେ ତାଙ୍କୁ ଔଷଧ ମଧ୍ୟ ଦିଆଯାଇପାରିବ ବୋଲି ଭାବି ଏପରି କରିଥିବା କହିଛନ୍ତି।
Comments are closed.