ସାପ ବିଷଧର ହେଉ ବା ବିଷହୀନ ତାର ନାଁ ଶୁଣିଲେ ଯେ କେହି ଭୟ କରନ୍ତି । ହେଲେ ଏମିତି କିଛି ଲୋକ ଅଛନ୍ତି, ଯିଏ କି ସାପକୁ ଆଦୌ ଭୟ କରନ୍ତି ନାହିଁ । ସାହସର ସହିତ ସାପକୁ ଧରନ୍ତି ଓ ସେମାନଙ୍କ ସହିତ ମଧ୍ୟ ରୁହନ୍ତି । ଏବେ ଏପରି ଜଣେ ବ୍ୟକ୍ତିଙ୍କର ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ବଡ଼ ବଡ଼ ଅଜଗର ଭିତରେ ବସିଛନ୍ତି । ସେହି ବ୍ୟକ୍ତିଙ୍କ ଆଚରଣ ଦେଖିଲେ ଲାଗୁଛି ଯେପରି ଅଜଗର ମଧ୍ୟରେ ବସିବା ଏକ ସାଧାରଣ କଥା ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ଏକାଧିକ ଛୋଟବଡ଼ ଅଜଗର ସାପ ଭିତରେ ବସିଛନ୍ତି । ତାଙ୍କ ମୁଣ୍ଡ,କୋଳ ସବୁଆଡ଼େ ଖାଲି ସାପମୟ । ସାପଗୁଡ଼ିକ ତାଙ୍କ ଉପରେ ଚଢୁଥିବା ଦେଖିବାକୁ ମିଳୁଛି । ଏହି ସମୟରେ ସେ ହସୁଥିବା ନଜର ଆସିଛନ୍ତି । ତାଙ୍କୁ ଦେଖିଲେ ଲାଗୁଛି, ଯେପରି ସାପଗୁଡ଼ିକ ଭିତରେ ବସିବା ବହୁତ ସହଜ । ତାଙ୍କ ମୁହଁରେ ଟିକେ ଭୟ ବି ନାହିଁ । ଏହାକୁ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ଉକ୍ତ ବ୍ୟକ୍ତିଙ୍କ ସାହାସକୁ ପ୍ରଶଂସା ବି କରିଛନ୍ତି ।
ଏହି ଭିଡ଼ିଓ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଛନ୍ତି । କିଛି ଉପଭୋକ୍ତା ମନ୍ତବ୍ୟ ଦେଇଛନ୍ତି, ଏହା ଅତ୍ୟନ୍ତ ଭୟାନକ ଅଟେ । ଆଉ କିଛି କହିଛନ୍ତି ଯେ, ଏପରି ସାପଙ୍କଠାରୁ ଦୂରେଇ ରହିବା ଭଲ ।
Comments are closed.