ଚନ୍ଦନେଶ୍ବର ୟୁନିଅନ ବ୍ୟାଙ୍କ ଲୁଟ୍ ଘଟଣାର ମାଷ୍ଟର ମାଇଣ୍ଡ ଗିରଫ, ଜବତ ହେଲା ୪୯ ଲକ୍ଷ ଟଙ୍କାର ସୁନା

ବାଲେଶ୍ୱର: ଗତ ଏପ୍ରିଲ ୨୬ ତାରିଖରେ ଚନ୍ଦନେଶ୍ୱରସ୍ଥିତ ୟୁନିୟନ ବ୍ୟାଙ୍କରେ ଘଟିଥିବା ଡକାୟତି ଘଟଣାରେ ବାଲେଶ୍ୱର ପୁଲିସକୁ ସଫଳତା ମିଳିଛି। ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାରୁ ମାଷ୍ଟର ମାଇଣ୍ଡକୁ ପୁଲିସ ଗିରଫ କରିଛି।

ବାଲେଶ୍ୱର ଏସପି ସାଗରିକା ନାଥ କହିଛନ୍ତି ଯେ ବ୍ୟାଙ୍କ ଲୁଟରେ ମୋଟ ୧୪ ଜଣ ବ୍ୟକ୍ତି ସମ୍ପୃକ୍ତ ଥିଲେ। ଆମେ ସଫଳତାର ସହ ଅପରେସନର ମୋଡସ୍ ଅପରେଣ୍ଡିର ପର୍ଦ୍ଦାଫାସ କରିଛୁ, ବସ୍ତା ଏବଂ ଭୋଗରାଇ ଏବଂ ଉଭୟ ପୂର୍ବ ଏବଂ ପଶ୍ଚିମ ମେଦିନାପୁର ଅଞ୍ଚଳରେ ଦୁଇଟି ସମାନ ଘଟଣାରେ ସେମାନଙ୍କ ସମ୍ପୃକ୍ତି ରହିଛି ବୋଲି ଏସପି ସାଗରିକା ନାଥ କହିଛନ୍ତି।

ଏହି ଅପରାଧିକ ସିଣ୍ଡିକେଟ୍ ମୁଖ୍ୟତଃ ଓଡ଼ିଶା ଓ ପଶ୍ଚିମବଙ୍ଗର ସୀମାବର୍ତ୍ତୀ ଅଞ୍ଚଳ ମଧ୍ୟରେ ପରିଚାଳିତ ହେଉଥିଲା ଏବଂ ବ୍ୟାଙ୍କ ଓ ଗହଣା ପ୍ରତିଷ୍ଠାନଗୁଡ଼ିକୁ ଟାର୍ଗେଟ୍ କରିବାରେ ବିଶେଷ ରୁଚି ରଖୁଥିଲା। ସେମାନଙ୍କୁ ଧରିବା ପାଇଁ ଜନସଚେତନତା ଏବଂ ସହାୟତା ବୃଦ୍ଧି କରିବା ପାଇଁ ପୁଲିସ ବିଭିନ୍ନ ବ୍ୟାଙ୍କ ଏବଂ ଗହଣା ଦୋକାନରେ ସନ୍ଦିଗ୍ଧଙ୍କ ଫଟୋ ପ୍ରସାରିତ କରିବାକୁ ଯୋଜନା କରିଛି।

ଜୁଲାଇ ୫ତାରିଖରେ ଏକ ପୂର୍ବ ପ୍ରସ୍ତୁତିରେ ବାଲେଶ୍ୱର ପୋଲିସ ବ୍ୟାଙ୍କ ଡକାୟତି ସହ ଜଡିତ ୬ ଜଣଙ୍କୁ ଅଟକ ରଖିଥିବାବେଳେ ସେମାନଙ୍କ ଠାରୁ ନଗଦ ୬ଲକ୍ଷ ଟଙ୍କା ଓ ୧୫ଲକ୍ଷ ଟଙ୍କା ମୂଲ୍ୟର ୩୦୦ଗ୍ରାମ ସୁନା ଅଳଙ୍କାର ଜବତ କରିଛି। ଏବେ ପଶ୍ଚିମବଙ୍ଗରୁ ମୁଖ୍ୟ ଅପରାଧୀ ଗିରଫ ହେବା ପରେ ପାଖାପାଖି ୮୫୪ ଗ୍ରାମ ସୁନା ଜବତ ହୋଇଛି। ଯାହାର ଆନୁମାନିକ ମୂଲ୍ୟ ୪୯ ଲକ୍ଷ ଟଙ୍କା ହେବ।

ଏସପି ସାଗରିକା ନାଥ ସୁନିଶ୍ଚିତ କରିଛନ୍ତି ଯେ ତଦନ୍ତରେ ଚୋରିରେ ଜଡିତ ଅତିରିକ୍ତ ସାତ ଜଣ ବ୍ୟକ୍ତିଙ୍କୁ ମଧ୍ୟ ଚିହ୍ନଟ କରାୟାଇଛି। ନିକଟ ଭବିଷ୍ୟତରେ ସେମାନଙ୍କର ଗିରଫ ହେବା ନେଇ ଆଶା କରାଯାଉଛି।