ବାଲେଶ୍ୱର: ଏକ ବଡ ଧରଣର ଧଳା ଜହର କାରବାର ପର୍ଦ୍ଦାଫାଶ ହୋଇଛି । ଏକସଙ୍ଗରେ ବାଲେଶ୍ୱରରୁ ଜବତ ହୋଇଛି ୧କିଲୋ ୩୨୫ ଗ୍ରାମ ବ୍ରାଉନ ସୁଗାର । ଯାହାର ଆନୁମାନିକ ମୂଲ୍ୟ ଦେଢ କୋଟି । ଏଥି ସହ କାରବାରରେ ସଂପୃକ୍ତ ବେପାରୀଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଏସଟିଏଫ୍ ।
ସୂଚନା ଯୋଗ୍ୟ ଯେ, ଗତକାଲି ଏସଟିଏଫ୍ ର ଏକ ୬ ଜଣିଆ ଟିମ୍ ଚଢଉ କରି ବାଙ୍କ ଖଜୁରୀ ଅଂଚଳରୁ ଏହି ବେପାରୀଙ୍କୁ ଗିରଫ କରିଥିଲେ । ତାଙ୍କ ନାଁ ଶେଖ୍ ରିୟାଜୁଦ୍ଦିନ୍ । ସେ ଭୁବନେଶ୍ୱରର ଏକ ଘରୋଇ କଲେଜରେ ଏମବିଏ ଶେଷ ବର୍ଷର ଛାତ୍ର । ସେ ବାଲେଶ୍ୱରରୁ ବ୍ରାଉନସୁଗାର ନେଇ ଭୁବନେଶ୍ୱରରେ ବ୍ୟବସାୟ କରୁଥିବା ଜଣାପଡିଛି ।
ଶେଖ୍ ରିୟାଜଙ୍କୁ ଅଧିକ ପଚରାଉଚରା କଲେ ଏହି ଘଟଣାରେ ଆଉ କିଏ କିଏ ସଂପୃକ୍ତ ଅଛନ୍ତି ସେ ନେଇ ଅଧିକ ସୂଚନା ମିଳିପାରିବ ବୋଲି ଆଶା ରହିଛି ।
Comments are closed.