ନୂଆଦିଲ୍ଲୀ: ଅଲ୍ଟ ନ୍ୟୁଜର ପ୍ରତିଷ୍ଠାତା ମହମ୍ମଦ ଜୁବୈରଙ୍କୁ ୬ଟି ଯାକ ମାମଲାରେ ଜାମିନ ମିଳିଛି । ସୁପ୍ରିମକୋର୍ଟ ତାଙ୍କୁ ସନ୍ଧ୍ୟା ୬ଟା ସୁଦ୍ଧା ଜେଲରୁ ଖଲାସ କରିବା ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି । ୟୁପିରେ ତାଙ୍କ ନାଁରେ ରୁଜୁ କରାଯାଇଥିବା ସମସ୍ତ ଏଫଆଇଆରକୁ ଦିଲ୍ଲୀ ସ୍ଥାନାନ୍ତର କରିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି । ଆଗକୁ ଜୁବୈରଙ୍କ ବିରୋଧରେ ଏଫଆଇଆର ରୁଜୁ ହେଲେ ସେଥିରେ ମଧ୍ୟ ଜାମିନ କାଏମ ରହିବ । ୨୦୧୮ର ଏକ ବିବାଦୀୟ ଟୁଇଟ ପାଇଁ ଗତମାସ ୨୭ରେ ଦିଲ୍ଲୀ ପୋଲିସ ତାଙ୍କୁ ଗିରଫ କରିଥିଲା । ୟୁପି ସରକାର ଜୁବୈରଙ୍କୁ ଟୁଇଟ ନ କରିବା ପାଇଁ ନିର୍ଦ୍ଦେଶ ଦେବା ନିଷ୍ପତିକୁ ମଧ୍ୟ କୋର୍ଟ ଅଗ୍ରାହ୍ୟ କରି ଦେଇଛନ୍ତି । କାହାକୁ ଟୁଇଟ କରିବା ପାଇଁ ମନା କରିବା ଅନୁଚିତ । ଯଦି ସେ କିଛି ଭୁଲ କରିବେ ତାହାହେଲେ ସେଥିପାଇଁ ସେ ଉତରଦାୟୀ ରହିବେ । ଏହି ଘଟଣାର ଶୁଣାଣୀ ବିଚାରପତି ଡିୱାଇ ଚନ୍ଦ୍ରଚୂଡ କରିଥିଲେ ।
Comments are closed.