ମୁମ୍ବାଇ: ମୁମ୍ବାଇର ଗୋରେଗାଓଁରେ ଥିବା ଆଜାଦ ନଗରର ଏକ କୋଠାରେ ଭୟଙ୍କର ଅଗ୍ନିକାଣ୍ଡ ଘଟିଛି । ଫଳରେ ଏଥିରେ ୭ଜଣଙ୍କର ମୃତ୍ୟୁ ଘଟିଥିବାବେଳେ ୩୯ ଜଣ ଲୋକ ଜୀବନ୍ତ ଦଗ୍ଧ ହୋଇଯାଇଛନ୍ତି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି । ଏହି ଦୁର୍ଘଟଣା ସମ୍ପର୍କରେ ଏକ ବିବୃତ୍ତି ଜାରି କରି ବିଏମସି କହିଛି ଗୋରେଗାଓଁର ୫ ମହଲା ରେ ଅଗ୍ନିକାଣ୍ଡ ଘଟିଛି । ୩୦ ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଛି। ଉଦ୍ଧାର ହୋଇଥିବା ଲୋକଙ୍କୁ ବିଭିନ୍ନ ଡାକ୍ତରଖାନାକୁ ପଠାଯାଇଛି ।
ଗୋରେଗାଓଁ ପଶ୍ଚିମର ଆଜାଦ ମଇଦାନ ନିକଟରେ ଅବସ୍ଥିତ ଜୟ ଭବାନୀ ବିଲଡିଂରେ ଏହି ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି। ନିଆଁ କେବଳ ତଳ ମହଲାରେ ଥିବା ଦୋକାନ, ଏବଂ ନିକଟରେ ପାର୍କିଂ ହୋଇଥିବା ଅନେକ ଗାଡିରେ ସୀମିତ ରହିଥିଲା। ୩ ଘଣ୍ଟା ପରେ ଏହି ନିଆଁକୁ ଆୟତ୍ତ କରାଯାଇଥିଲା । ଆହତଙ୍କ ମଧ୍ୟରୁ ଦୁଇଜଣଙ୍କ ଅବସ୍ଥା ଗୁରୁତର ରହିଛି। ଏହି ଅଗ୍ନିକାଣ୍ଡରେ ୩୦ ରୁ ଅଧିକ ବାଇକ୍ ଏବଂ ୪ଟି କାର ଜଳିଯାଇଛି ।