ମୁମ୍ବାଇ: ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ ସମସ୍ତ ପ୍ରକାରର ଚଳଚ୍ଚିତ୍ର ନିର୍ମାଣ କରାଯାଏ। ଅନେକ ଚଳଚ୍ଚିତ୍ର ଭଗବାନଙ୍କ ଉପରେ ମଧ୍ୟ ନିର୍ମିତ ହୋଇଛି। ଆଜିର ସମୟରେ ମଧ୍ୟ ପ୍ରଭୁ ଶ୍ରୀରାମ, ଭଗବାନ କୃଷ୍ଣ ଏବଂ ଭଗବାନ ଶିବଙ୍କର ଉପରେ ଅନେକ ଚଳଚ୍ଚିତ୍ର ନିର୍ମାଣ କରାଯାଇଛି। ଯାହାର ଭଲ ପ୍ରତିକ୍ରିୟା ଆସିଛି। ଅକ୍ଷୟ କୁମାରଙ୍କ ଅନେକ ଚଳଚ୍ଚିତ୍ର ପ୍ରେକ୍ଷାଳୟରେ ଫ୍ଲପ୍ ହୋଇଥିଲା କିନ୍ତୁ ଯେଉଁ ଫିଲ୍ମରେ ସେ ପ୍ରଭୁ ଶିବଙ୍କର ଅଭିନୟ କରିଥିଲେ ତାହା ସୁପରହିଟ୍ ପ୍ରମାଣିତ ହୋଇଛି। ତେବେ ଚଳିତ ବର୍ଷ ଶ୍ରାବଣ ମାସ ଅବସରରେ ଆସନ୍ତୁ ଜାଣିବା ଭଗବାନ ଶିବଙ୍କ ଉପରେ ନିର୍ମିତ ଚଳଚ୍ଚିତ୍ର ଏବଂ ବକ୍ସ ଅଫିସରେ କେତେ ଆୟ କରିଥିଲେ।
୧. ବ୍ରହ୍ମାସ୍ତ୍ର- ରଣବୀର କପୁର ଏବଂ ଆଲିଆ ଭଟ୍ଟଙ୍କ ଚଳଚ୍ଚିତ୍ର ବ୍ରହ୍ମାସ୍ତ୍ର ସେହି ବର୍ଷର ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ମଧ୍ୟରୁ ଅନ୍ୟତମ। ଏହାର ପ୍ରଥମ ଭାଗ ଭଗବାନ ଶିବଙ୍କ ଉପରେ ଆଧାରିତ ଥିଲା। ଏହାର ନାମ ଥିଲା- ବ୍ରହ୍ମାସ୍ତ୍ର ଭାଗ ୧-ଶିବା। ଏହି ଚଳଚ୍ଚିତ୍ର ୨୦୨୨ ମସିହାରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ରରେ ଅମିତାଭ ବଚ୍ଚନ, ମୌନୀ ରୟ ଏବଂ ନାଗାର୍ଜୁନ ସପର୍ଟିଂ ରୋଲ୍ରେ ଥିଲେ। ଏହି ଚଳଚ୍ଚିତ୍ରଟି ବକ୍ସ ଅଫିସରେ ହିଟ୍ ହୋଇଥିଲା ଏବଂ ୩୦୭.୦ କୋଟି ଟଙ୍କା ଆୟ କରିଥିଲା ।
୨- କେଦାରନାଥ- ସୈଫ ଅଲି ଖାନଙ୍କ ଝିଅ ସାରା ଅଲି ଖାନ ଏହି ଚଳଚ୍ଚିତ୍ରରେ ଡେବ୍ୟୁ କରିଥିଲେ। ଫିଲ୍ମରେ ସୁଶାନ୍ତ ସିଂ ରାଜପୁତ ତାଙ୍କ ବିପକ୍ଷରେ ନଜର ଆସିଥିଲେ। ଏହି ଚଳଚ୍ଚିତ୍ରଟି ସମସ୍ତେ ପସନ୍ଦ କରିଥିଲେ ଏବଂ କେଦାରନାଥ ଏକ ସୁପରହିଟ୍ ଚଳଚ୍ଚିତ୍ର ଭାବେ ପ୍ରମାଣିତ ହୋଇଥିଲା। ଏହି ଚଳଚ୍ଚିତ୍ର ଭାରତରେ ୬୮ କୋଟି ଟଙ୍କା ରୋଜଗାର କରିଥିଲା ଏବଂ ଏହାର ବିଶ୍ୱ ବ୍ୟାପୀ ସଂଗ୍ରହ ପ୍ରାୟ ୧୦୦ କୋଟି ଟଙ୍କା ଥିଲା।
୩- ଶିବାୟ- ଅଜୟ ଦେବଗନଙ୍କ ଚଳଚ୍ଚିତ୍ର ଶିବାୟ ବକ୍ସ ଅଫିସରେ ଭଲ ଆୟ କରିଥିଲା। ଏହି ଚଳଚ୍ଚିତ୍ରର ବଜେଟ୍ ୧୨୦ କୋଟି ଟଙ୍କା ଥିଲା ଏବଂ ଫିଲ୍ମ ୧୪୦ କୋଟି ଟଙ୍କା ସଂଗ୍ରହ କରିବାରେ ସଫଳ ହୋଇଥିଲା। ସେହି ସମୟ ମଧ୍ୟରେ ରିଲିଜ ହୋଇଥିବା ରଣବୀର କପୁରଙ୍କ ଫିଲ୍ମର କଡ଼ା ପ୍ରତିଯୋଗିତାର ସମ୍ମୁଖୀନ ହୋଇଥିଲା। କିନ୍ତୁ ରଣବୀରଙ୍କ ବଡ ଫିଲ୍ମ ପୂର୍ବରୁ ଅଜୟ ଦେବଗନଙ୍କ ଚଳଚ୍ଚିତ୍ର ୧୦୦ କୋଟିରୁ ଅଧିକ ଆୟ କରିଥିଲା।
୪- OMG 2- ଅକ୍ଷୟ କୁମାର ଏହି ଚଳଚ୍ଚିତ୍ରର ପ୍ରଥମ ଭାଗରେ ଭଗବାନ କୃଷ୍ଣଙ୍କ ଭୂମିକାରେ ନଜର ଆସିଥିଲେ। ଫିଲ୍ମର ଦ୍ୱିତୀୟ ଭାଗରେ ତାଙ୍କୁ ଭଗବାନ ଶଙ୍କର ଭୂମିକାରେ ଦେଖିବାକୁ ମିଳିଥିଲା। ତାଙ୍କ ଚଳଚ୍ଚିତ୍ରର ଭଲ ସଂଗ୍ରହ ଥିଲା ଏବଂ ୧୫୧ କୋଟି ଟଙ୍କା ରୋଜଗାର କରିଥିଲା । ଏହି ଚଳଚ୍ଚିତ୍ରରେ ପଙ୍କଜ ତ୍ରିପାଠୀଙ୍କ ଅଭିନୟକୁ ମଧ୍ୟ ପ୍ରଶଂସା କରାଯାଇଥିଲା।
Comments are closed.