ଚେନ୍ନାଇ: ଜାତୀୟ ସିନିୟର ପୁରୁଷ ହକି ଚାମ୍ପିୟନଶିପର ସେମିଫାଇନାରେ ଓଡିଶା ପ୍ରବେଶ କରିଛି । ଶୁକ୍ରବାର ଖେଳାଯିବାକୁ ଥିବା ସେମିରେ ମଣିପୁରକୁ ଭେଟିବ ଓଡିଶା । କ୍ୱାର୍ଟରଫାଇନାଲ ମୁକାବିଲାରେ ଓଡିଶା ସଂଘର୍ଷପୂର୍ଣ୍ଣ ମ୍ୟାଚରେ କର୍ଣ୍ଣାଟକକୁ ପରାସ୍ତ କରିଥିଲା । ୦-୨ରେ ପଛୁଆ ରହିଥିବା ଓଡିଶା ମଙ୍ଗଲ ଲୋହାର ଓ ଶୀଳାନନ୍ଦ ଲାକ୍ରାଙ୍କ ଗୋଲ ସହାୟତାରେ ମ୍ୟାଚକୁ ୨-୨ ସମାନ ସ୍ଥିତିକୁ ଆଣିଥିଲା । କର୍ଣ୍ଣାଟକ ପୂନର୍ବାର ଆଉ ଏକ ଗୋଲ କରି ମ୍ୟାଚରେ ୩-୨ରେ ଅଗ୍ରଣୀ ହାସଲ କରିଥିଲା । ପ୍ରତାପ ଲାକ୍ରା ଚମତ୍କାର ଗୋଲ ସହାୟତାରେ ଓଡିଶା ମ୍ୟାଚକଚ ୩-୩ ରୋମାଂଚକ ସ୍ଥିତିକୁ ଆଣି ଦେଇଥିଲା । ନିର୍ଦ୍ଧାରିତ ସମୟରେ ମ୍ୟାଚର ଫଳାଫଳ ସମାନ ରହିଥିଲା ।
ପେନାଲ୍ଟି ଶୁଟଆଉଟରେ ଓଡିଶା ୩-୧ରେ ବିଜୟୀ ହୋଇଥିଲା । ଗୋଲକିପର ସାହିଲ ନାୟକ ପ୍ରଶଂସନୀୟ ପ୍ରଦର୍ଶନ କରିଥିଲେ । ପଞ୍ଜାବକୁ ହରାଇ ମଣିପୁର ସେମିରେ ପ୍ରବେଶ କରିଥିଲା । ଅନ୍ୟ ଏକ ସେମିରେ ହରିୟାଣା ଓ ଉତରପ୍ରଦେଶ ମଧ୍ୟରେ ମ୍ୟାଚ ହେବ । ମହାରାଷ୍ଟ୍ରକୁ ୫-୧ରେ ଏବଂ ତାମିଲନାଡୁକୁ ୩-୧ରେ ହରାଇ ଉତରପ୍ରଦେଶ ସେମିରେ ପ୍ରବେଶ କରିଥିଲେ ।
Comments are closed.