ଭୁବନେଶ୍ୱର: ଜାତୀୟ ପୁରୁଷ ହକି ଚାମ୍ପିୟନଶିପ ତାମିଲନାଡୁରେ ଆୟୋଜିତ ହେବ । ଏହା ନଭେମ୍ବର ୪ରୁ ୧୬ ପର୍ଯ୍ୟନ୍ତ ଖେଳାଯିବ ବୋଲି ହକି ଇଣ୍ଡିଆ ପକ୍ଷରୁ ଘୋଷଣା କରାଯାଇଛି । ଏଥିନେଇ ଓଡିଶା ତାର ୧୮ଜଣିକିଆ ଦଳ ଘୋଷଣା କରିଛି । ରାଜସ୍ଥାନ, ଅରୁଣାଚଳ ଓ ପୁଡୁଚେରୀ ସହ ଓଡିଶା ଖେଳିବ । ନଭେମ୍ବର ୬ରେ ରାଜସ୍ଥାନ ବିପକ୍ଷରେ ଓଡିଶା ତାର ଅଭିଯାନ ଆରମ୍ଭ କରିବ । ଦଳ ଏହି ଚାମ୍ପିୟନଶିପରେ ଭଲ ପ୍ରଦର୍ଶନ କରିବ ବୋଲି କୋଚ ବିଜୟ କୁମାର ଲାକ୍ରା ଦୃଢ଼ତା ସହକାରେ କହିଛନ୍ତି । ଖେଳାଳିମାନେ ଏବେ କଠିନ ଅଭ୍ୟାସ ଜାରୀ ରଖିଛନ୍ତି । ହକି ଓଡିଶା ପ୍ରତିଯୋଗିତାରେ ଭଲ ପ୍ରଦର୍ଶନ କରିବା ପାଇଁ ଶୁଭେଚ୍ଛା ଜଣାଇଛି ।
ଓଡିଶା ଦଳ: ଦିଲୀପ କେଏସଏ, ସାହିଲ କୁମାର ନାୟକ, କେରୋବିନ ଲାକ୍ରା, ଅମନଦୀପ ଲାକ୍ରା, ଦୀପସାନ ତିର୍କୀ, ନୀଲମ ସଞ୍ଜୀପ ଖେସ, ଆଶୀଷ କୁମାର ତୋଫାନ, ସୁମିତ କିଣ୍ଡୋ, ମଙ୍ଗଳ ଲୋହାର, ପ୍ରସାଦ କୁଜୁର, ଅମିତ କୁମାର ଟପ୍ପୋ, ସୁନୀତ ଲାକ୍ରା, ରଜତ ଆକାଶ ତିର୍କୀ, ମିତିୟାସ ଡାଙ୍ଗ, ଅଜୟ କୁମାର ଏକ୍କା, ସୁଦୀପ ଚିର୍ମାକୋ, ଶୀଲାନନ୍ଦ ଲାକ୍ରା