National Winter Games: ଔଲିରେ ଏହି ଦିନଠୁ ଆରମ୍ଭ ହେବ ଜାତୀୟ ଶୀତକାଳୀନ କ୍ରୀଡ଼ା ; ଓଡିଶା ସମେତ ୧୭ ଦଳ…

ଡେରାଡୁନ:ଉତ୍ତରାଖଣ୍ଡର ଔଲି(Uttarakhand’s Auli)ରେ ପ୍ରସ୍ତାବିତ ଜାତୀୟ ଶୀତକାଳୀନ କ୍ରୀଡ଼ାର ତାରିଖ ଘୋଷଣା କରାଯାଇଛି। ପର୍ଯ୍ୟଟନ ବିଭାଗ, ଗଢ଼ୱାଲ ମଣ୍ଡଳ ବିକାଶ ନିଗମ ଏବଂ ଉତ୍ତରାଖଣ୍ଡ ଶୀତକାଳୀନ କ୍ରୀଡ଼ା ସଂଘର ଏକ ମିଳିତ ବୈଠକରେ ଏହି ନିଷ୍ପତ୍ତି ନିଆଯାଇଛି। ଜାତୀୟ ଶୀତକାଳୀନ କ୍ରୀଡା ୨୦୨୬ ଫେବୃଆରୀ ୧୨ ରୁ ୧୬ ପର୍ଯ୍ୟନ୍ତ ଔଲିରେ ଅନୁଷ୍ଠିତ ହେବାକୁ ଯାାଉଛି ।

ଔଲି ଶୀତକାଳୀନ କାର୍ନିଭାଲରେ ୧୭ ରୁ ୨୦ ଟି ଦଳ ଯୋଗଦେବେ ବୋଲି ଆଶା କରାଯାଉଛି। ୨୫୦ ରୁ ଅଧିକ ଲୋକଙ୍କ ପାଇଁ ବ୍ୟବସ୍ଥା କରାଯାଇସାରିଛି। UTDB, ଜିଲ୍ଲା ପ୍ରଶାସନ ଏବଂ ଶୀତକାଳୀନ କ୍ରୀଡ଼ା ସଂଘ ସମସ୍ତେ ମିଳିତ ଭାବରେ କାମ କରୁଛନ୍ତି।

ଏହି କାର୍ଯ୍ୟକ୍ରମରେ ଦେଶର ୧୭ଟି ବିଭିନ୍ନ ରାଜ୍ୟର ଦଳ ଅଂଶଗ୍ରହଣ କରିବେ। ଏହି ଦଳଗୁଡ଼ିକରେ ହିମାଚଳ, ଜମ୍ମୁ କାଶ୍ମୀର, ଉତ୍ତରାଖଣ୍ଡ, ହରିୟାଣା, ପଞ୍ଜାବ, ଦିଲ୍ଲୀ, ଓଡ଼ିଶା, ମହାରାଷ୍ଟ୍ର ସମେତ ITBP ଏବଂ ସେନାର ଦଳ ଅନ୍ତର୍ଭୁକ୍ତ।

ଶୀତକାଳୀନ କ୍ରୀଡ଼ା ପାଇଁ କ୍ରୀଡା ଦଳଗୁଡ଼ିକୁ ନିମନ୍ତ୍ରଣ ପଠାଇବା ପ୍ରକ୍ରିୟା ଆରମ୍ଭ ହୋଇଛି। GMVN ମଧ୍ୟ ଦ୍ରୁତ ଗତିରେ ଲଜିଷ୍ଟିକ୍ କାର୍ଯ୍ୟ ସମାପ୍ତ କରୁଛି। ଏହା ବ୍ୟତୀତ ଔଲିରେ ତୁଷାର ସଂରକ୍ଷଣ ସମ୍ବଳ ବ୍ୟବହାର ପାଇଁ ସମସ୍ତ ପ୍ରକ୍ରିୟା ଚାଲିଛି। ସ୍ନୋ ବିଟର ମେସିନ୍ ହେଉ କିମ୍ବା ସ୍ନୋ ତିଆରି ମେସିନ୍, ସବୁକିଛି ବ୍ୟବହୃତ ହେଉଛି।