ମୁମ୍ବାଇ: ଓମ୍ ରାଉତଙ୍କ ରାମାୟଣକୁ ନେଇ ଆଧାରିତ ଫିଲ୍ମ ‘ଆଦିପୁରୁଷ’ ଫ୍ଲପ୍ ହୋଇଥିଲା । ଏବେ ପୁଣି ରାମାୟଣକୁ ନେଇ ଆଉ ଏକ ଧାରାବାହିକ ‘ଶ୍ରୀମଦ୍ ରାମାୟଣ’ ସୋନି ଟିଭିରେ ପ୍ରସାରଣ ହେବ । ୨୦୨୪ ମସିହା ଜାନୁୟାରୀରେ ଏହା ରିଲିଜ୍ ହେବ । ଏହି ଧାରାବାହିକ ପୌରାଣିକ ମହାକାବ୍ୟ ରାମାୟଣର ସଦ୍ୟତମ ରୂପାନ୍ତର । ଏହାର ଏକ ଟିଜର ଜାରି୍ ହୋଇଛି ।
‘ଶ୍ରୀମଦ୍ ରାମାୟଣ’ର ଏକ ପ୍ରୋମୋକୁ ସୋନି ଟିଭି ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ‘ସଂସ୍କୃତିର ଗର୍ବ, ସଂସ୍କାରର ଶିଖର, ଭକ୍ତିର ମହାମନ୍ତ୍ର’ ଟ୍ୟାଗଲାଇନ୍ ଦେଇ ସେୟାର କରିଛି । ଶ୍ରୀରାମଙ୍କ କାହାଣୀ ‘ଶ୍ରୀମଦ୍ ରାମାୟଣ’ କେବଳ ସୋନି ଏଣ୍ଟରଟେନମେଣ୍ଟ ରେ ଖୁବ୍ ଶୀଘ୍ର ଆସୁଛି ବୋଲି ଲେଖିଛି ।
ଏହି ଛୋଟିଆ ଟିଜରରେ ଆକର୍ଷଣୀୟ ବ୍ୟାକଗ୍ରାଉଣ୍ଡ ମ୍ୟୁଜିକ ସହିତ ଶ୍ରୀରାମଙ୍କ ଏକ ଛାୟାକୁ ଉପସ୍ଥାପନ କରାଯାଇଛି । ଏହାକୁ ଲୋକେ ଖୁବ୍ ପସନ୍ଦ କରିଛନ୍ତି । ଏହି ୪୨ ସେକେଣ୍ଡର କ୍ଲିପ୍ ପୂରା ‘ଆଦିପୁରୁଷ’ ଠାରୁ ଭଲ ଦେଖାଯାଉଛି ବୋଲି ଅନେକ ମତ ଦେଇଛନ୍ତି । ଆଉ କିଛି କହିଛନ୍ତି,ଟିଭିରେ ରାମାୟଣ ଦେଖିବା ପାଇଁ ଅପେକ୍ଷା କରିପାରିବ ନାହିଁ! ‘ଆଦିପୁରୁଷ’ ଭଳି ସେମାନେ ଏହାକୁ ନଷ୍ଟ କରିବେ ନାହିଁ ।
Comments are closed.