ନବବିବାହିତ ପିନାକୀ ମିଶ୍ର ଓ ମହୁଆଙ୍କ ଡ୍ୟାନ୍ସ ଭିଡିଓ ଭାଇରାଲ

ଭୁବନେଶ୍ୱର: ନିକଟରେ ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା ଏବଂ ପୂର୍ବତନ ଓଡ଼ିଶା ସାଂସଦ ତଥା ସୁପ୍ରିମକୋର୍ଟର ବରିଷ୍ଠ ଓକିଲ ପିନାକୀ ମିଶ୍ର ବିବାହ କରିଥିଲେ। ଦୁହିଁଙ୍କ ଏକ ଡ୍ୟାନ୍ସ ଭିଡିଓ ରବିବାର ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ଦୁହେଁ ବଲିଉଡ୍ ରୋମାଣ୍ଟିକ କ୍ଲାସିକ୍ “ରାତ କେ ହମସଫର୍” ଗୀତରେ ନୃତ୍ୟ କରୁଥିବାର ଦେଖିବାକୁ ମିଳୁଛି।

ଟିଏମସି ସାଂସଦ ମେ ୩୦ ତାରିଖରେ ଜର୍ମାନୀର ବର୍ଲିନରେ ହୋଇଥିବା ବିବାହ ଉତ୍ସବରେ ନିଜ ଡ୍ୟାନ୍ସର ଏକ ଝଲକ ଦେଖାଇଛନ୍ତି। ଭିଡିଓଟିକୁ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଥିଲେ କିନ୍ତୁ ପରେ ହଟାଇ ଦିଆଯାଇଥିଲା। ଏହି ଭିଡିଓଟି ସୋସିଆଲ ମିଡିଆରେ ଖୁବ୍ ଭାଇରାଲ ମଧ୍ୟ ହୋଇଥିଲା।