ଭୁବନେଶ୍ୱର: ସିମ୍ ବକ୍ସ ରାକେଟର ଯାଞ୍ଚ ପାଇଁ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଟିମ୍ ବୁଧବାର ଓଡିଶାର ଭୁବନେଶ୍ୱରରେ ପହଞ୍ଚିଛନ୍ତି।
ଏନଆଇଏ ମୁଖ୍ୟ ଅଭିଯୁକ୍ତ ରାଜୁ ମଣ୍ଡଳଙ୍କୁ ପଚରାଉଚରା କରିବ। କମିଶନରେଟ୍ ପୋଲିସର ସ୍ପେଶାଲ୍ ସ୍କ୍ବାଡ୍ ରାଜୁକୁ ଧରି ରାଞ୍ଚିରୁ ଭୁବନେଶ୍ୱରକୁ ଫେରୁଛନ୍ତି।
ଭୁବନେଶ୍ୱର-କଟକ ଟ୍ୱିନ୍ ସିଟି ପୋଲିସ ବାଂଲାଦେଶୀ ନାଗରିକ ଅସାଦୁର ଜମାନ ଦ୍ୱାରା ପରିଚାଳିତ ଏହି ରାକେଟର ଯାଞ୍ଚ ପାଇଁ ଏନଆଇଏର ସହାୟତା ଲୋଡିଛି।
ଗତ ସପ୍ତାହରେ ଭୁବନେଶ୍ୱରରେ ଲକ୍ଷ୍ମୀ ସାଗର ପୋଲିସ ଦ୍ୱାରା ଗିରଫ ହୋଇଥିବା ରାଜୁକୁ ଲଜିଷ୍ଟିକ୍ସ, ପାଣ୍ଠି ଏବଂ ବୈଷୟିକ ସହାୟତା ଯୋଗାଇ ଦେଇଥିବା ଅସଦୁର ସତରେ ମାଷ୍ଟରମାଇଣ୍ଡ ନା କେବଳ ଜଣ ସହଯୋଗୀ ବୋଲି ତଦନ୍ତକାରୀ ସଂସ୍ଥା ଅନୁସନ୍ଧାନ କରୁଛନ୍ତି।
ଗୁରୁବାର ଦିନ ରାଜୁର ୫ ଦିନିଆ ରିମାଣ୍ଡ ଶେଷ ହେଉଥିବାବେଳେ କମିଶନରେଟ୍ ପୋଲିସ ରିମାଣ୍ଡ ଅବଧି ବଢାଇବା ନେଇ କୋର୍ଟରେ ଆବେଦନ କରିପାରନ୍ତି।
ତେବେ ଏହି ମାମଲାରେ ଏପର୍ଯ୍ୟନ୍ତ ପୋଲିସ ଭୁବନେଶ୍ୱର, କଟକ ଏବଂ ରାଞ୍ଚିର ତିନୋଟି ସ୍ଥାନରେ ଚଢାଉ କରି ୧୭ଟି ସିମ୍ ବାକ୍ସ ଏବଂ ପ୍ରାୟ ହଜାରେ ସିମ୍ କାର୍ଡ ଜବତ କରିଛି।
Comments are closed.