ଶେଷଥର ପାଇଁ ଲାଲକିଲ୍ଲାରେ ପତାକା ଉତ୍ତଳନ କରିବେ ମୋଦୀ: ଜେଡିୟୁ

ପାଟନା:ରାତି ପାହିଲେ ଦେଶ ପାଳିବ ୭୭ ତମ ସ୍ୱାଧୀନତା ଦିବସ। ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଐତିହାସିକ ଲାଲକିଲ୍ଲା ପ୍ରାଚୀରରୁ କରିବେ ପତାକା ଉତ୍ତୋଳନ। ତେବେ ଏନେଇ ବିରୋଧୀ ପକ୍ଷରୁ ବିଜେପିକୁ କରାଯାଉଛି ଟାର୍ଗେଟ। ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଦଳ ପ୍ରଧାନମନ୍ତ୍ରୀ ଓ ଭାରତୀୟ ଜନତା ପାର୍ଟିକୁ କରିଛି ଟାର୍ଗେଟ। ଏହାସହ ଏକ ବଡ ଦାବି ମଧ୍ୟ କରିଛି। ସୋମବାର ଜେଡିୟୁର ଟୁଇଟର ହ୍ୟାଣ୍ଡେଲରୁ ଏକ ଭିଡିଓ ପୋଷ୍ଟ କରାଯାଇଛି। ଯେଉଁଥିରେ ବିଜେପିକୁ ଟାର୍ଗେଟ କରାଯାଇଥିବା ନଜର ଆସିଛି।

ଟୁଇଟ କରାଯାଇଥିବା ଏହି ଭିଡିଓ ମାଧ୍ୟମରେ କୁହାଯାଇଛି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୪ ଘଣ୍ଟା ପରେ ଲାଲକିଲ୍ଲାରୁ ଦେଶବାସୀଙ୍କୁ ସମ୍ବୋଧିତ କରିବେ। ଏହାକୁ କୁହାଯାଇଛି ଯେ ଗତ ୯ବର୍ଷ ଧରି ଦେଶ ଆପଣଙ୍କ ‘ମନ କି ବାତ’କୁ ଶହ ଶହ ଘଣ୍ଟା ଧରି ଶୁଣୁଛି। ଜନସାଧାରଣଙ୍କ ସହ ଜଡିତ ପ୍ରସଙ୍ଗରେ ଆପଣ ସର୍ବଦା ନୀରବ ରୁହନ୍ତି, କିନ୍ତୁ ଏଥିର ଆଶା କରାଯାଉଛି ଯେ ଆପଣ ଲାଲକିଲ୍ଲାରୁ ଜନସାଧାରଣଙ୍କ ଆଗ୍ରହ ବିଷୟରେ କହିବେ। ମଣିପୁର ପ୍ରସଙ୍ଗରେ ସାଧାରଣ ଜନତାଙ୍କୁ ସତ୍ୟ କହିବେ ବୋଲି ଦେଶର ଲୋକମାନେ ଆଶା କରୁଛନ୍ତି।

प्रधानमंत्री जी से अपील#JDU #bihar#RequesttoPM#castecensusinbihar #castecensus#BJPHataoDeshBachao #BJPFailsIndia pic.twitter.com/yoWlyhJ6GR

— Janata Dal (United) (@Jduonline) August 14, 2023

ଜାତି ଭିତ୍ତିକ ଗଣନା ବିଷୟରେ କୁହାଯାଇଥିଲା, “ବିହାରରେ ଏହାକୁ ବନ୍ଦ କରିବା ପାଇଁ ଆପଣଙ୍କ ଦଳ (ବିଜେପି) ବହୁତ ଚେଷ୍ଟା କରିଛି, କିନ୍ତୁ ଆପଣ ଏଥିରେ ସଫଳ ହୋଇପାରିବେ ନାହିଁ। ବର୍ତ୍ତମାନ ଆପଣ ବିହାରର ଲୋକଙ୍କୁ କ୍ଷମା ମାଗନ୍ତୁ ଏବଂ ବିହାର ପରି ଲାଲାକିଲ୍ଲାରୁ ଦେଶବାସୀଙ୍କୁ ଜାତି ଭିତ୍ତିକ ଘୋଷଣା କରନ୍ତୁ।” ଏହି ଭିଡିଓରେ ଆୟୁଷ୍ମାନ ଭାରତରେ ହୋଇଥିବା ଦୁର୍ନୀତି ବିଷୟରେ ଉଲ୍ଲେଖ କରାଯାଇଛି। “ବିଜେପି ସରକାର ପ୍ରଭୁ ରାମଙ୍କ ଅଯୋଧ୍ୟାରେ ଅନେକ ଦୁର୍ନୀତି କରିଛନ୍ତି। ଏସବୁର ସତ୍ୟକୁ ସମଗ୍ର ଦେଶକୁ କୁହାଯାଉ। ଆପଣ ଶେଷ ଥର ପାଇଁ ଲାଲକିଲ୍ଲାରେ ପତାକା ଉତ୍ତୋଳନ କରୁଛନ୍ତି। ଏହା ଆପଣଙ୍କ ପାଇଁ ଶେଷ ସୁଯୋଗ। ଆଶା କରାଯାଉଛି ଆପଣ ଲାଲାକିଲ୍ଲାରୁ ସତ୍ୟ କହିବେ।”