ମେଲବୋର୍ଣ୍ଣ: ନୀତିଶ କୁମାର ରେଡ୍ଡୀ ଏବେ ତାଙ୍କ ପ୍ରଦର୍ଶନ ବଳରେ ସାରା ଭାରତରେ କ୍ରିକେଟପ୍ରେମୀଙ୍କ ମନ ଜିଣି ପାରିଛନ୍ତି । ଅଷ୍ଟ୍ରେଲିଆ ବିପକ୍ଷ ୪ର୍ଥ ଟେଷ୍ଟରେ ସେ ଶତକ ହାସଲ କରି ନିଜ ଦକ୍ଷତା ପ୍ରତିପାଦିତ କରିପାରିଛନ୍ତି । ନୀତିଶ ଏହି ଶତକ ସହ ବାପାଙ୍କୁ ଦେଇଥିବା ପ୍ରତିଶ୍ରୁତି ରକ୍ଷା କରି ପାରିଛନ୍ତି । ୬ ବର୍ଷ ତଳେ ନୀତିଶ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ । ଯାହାକି ଏବେ ଭାଇରାଲ ହେବାରେ ଲାଗିଛି । ଫାଦର୍ସ ଡେରେ ସେ ଲେଖିଥିଲେ,ବାପା ମୋ ପାଇଁ ଅନେକ ଜଳାଞ୍ଜଳୀ ଦେଇଛନ୍ତି । ଦିନେ ମୁଁ ତାଙ୍କୁ ନିଶ୍ଚିତ ଭାବେ ଗର୍ବିତ କରାଇବି ।
ମେଲବୋର୍ଣ୍ଣ କ୍ରିକେଟ ଗ୍ରାଉଣ୍ଡରେ ନୀତିଶଙ୍କ ଶତକକୁ ତାଙ୍କ ବାପା ଭରପୂର ଉପଭୋଗ କରିଥିଲେ । ସେ ଏତେ ମାତ୍ରାରେ ଭାବପ୍ରବଣ ହୋଇ ପଡିଥିଲେ ଯେ, ତାଙ୍କର ଆନନ୍ଦଶ୍ରୁ ବୋହି ଯାଇଥିଲା । ୧୯୧ ରନରେ ୬ଟି ୱିକେଟ ହରାଇ ଭାରତ ବିପଦରେ ପଡିଥିଲା । ନୀତିଶ ଓ ୱାଶିଂଟନ ସୁନ୍ଦର ଭାରତକୁ ବିପଦମୁକ୍ତ କରାଇବା ସହ ଏବେ ସୁବିଧାଜନକ ସ୍ଥିତିରେ ପଂହଚାଇଛନ୍ତି ।
Comments are closed.