ପାଟଣା: ଦୁଇ ଦିନ ମଧ୍ୟରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଦୁଇଟି ଚେହେରା ଦେଖିବାକୁ ମିଳିଛି। ବୁଧବାର ବିଧାନସଭାରେ ତାଙ୍କର କ୍ରୋଧ ଦେଖିବାକୁ ମିଳିଥିଲା। ଗୁରୁବାର ସେ ବିରୋଧ କରୁଥିବା ବିଜେପି ବିଧାୟକଙ୍କ ପିଠି ଥାପୁଡାଇ ଦେଉଥିବା ଦେଖିବାକୁ ମିଳିଥିଲା। ବିଧାନସଭାର ପ୍ରଥମ ସିଫ୍ଟରେ ମୁଖ୍ୟମନ୍ତ୍ରୀ ବସିଥିଲେ। ସେ ଆସିବା ମାତ୍ରେ ସେ ସଦସ୍ୟମାନଙ୍କ ଅଭିବାଦନକୁ ହସି ହସି ଜବାବ ଦେଇଥିଲେ। ଏପରିକି ବିଜେପି ବିଧାୟକମାନେ କରତାଳି ଦେଇ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଥିଲେ। କିଛି ସମୟ ପାଇଁ ମୁଖ୍ୟମନ୍ତ୍ରୀ ମଧ୍ୟ କରତାଳି ଦେଇଥିବାର ନଜର ଆସିଥିଲେ।
ଦ୍ୱିତୀୟ ସିଫ୍ଟରେ ମଧ୍ୟ ଗୃହରେ ଉତ୍ତେଜନା ଦେଖାଦେଇଥିଲା। ବିଜେପି ବିଧାୟକମାନେ ଗୃହ ମଝିକୁ ଆସିଥିଲେ। ଦ୍ୱିତୀୟ ସିଫ୍ଟରେ ମୁଖ୍ୟମନ୍ତ୍ରୀ ଗୃହରେ ଉପସ୍ଥିତ ନଥିଲେ।
ଯେତେବେଳେ ମୁଖ୍ୟମନ୍ତ୍ରୀ ବିଧାନସଭାରେ ପ୍ରବେଶ କରୁଥିଲେ, ବିଜେପି ବିଧାୟକମାନେ ପ୍ରବେଶ ଦ୍ୱାରରେ ଠିଆ ହୋଇ ତାଙ୍କ ବିରୋଧରେ ସ୍ଲୋଗାନ ଦେଇଥିଲେ। ଏହା ପରେ ନୀତିଶ ବିଜେପି ବିଧାୟକ ହରିଭୂଷଣ ଠାକୁର ବାଘୁଲଙ୍କ ନିକଟତର ହୋଇଥିଲେ। ତାଙ୍କ ପିଠିକୁ ଥାପୁଡାଇ ଦେଇଥିଲେ। ସେ ହସିବା ସହିତ ଆହୁରି ଜୋରରେ ସ୍ଲୋଗାନ ଦେବାକୁ କହିଥିଲେ। ଏହା କହି ସେ ନିଜ ପ୍ରକୋଷ୍ଠକୁ ଯାଇଥିଲେ। ଦ୍ୱିତୀୟ ସିଫ୍ଟ ଆରମ୍ଭ ହେବା ପୂର୍ବରୁ ବିଜେପି ବିଧାୟକ ନନ୍ଦକିଶୋର ଯାଦବ ଏବଂ ଅର୍ଥମନ୍ତ୍ରୀ ବିଜୟ କୁମାର ଚୌଧୁରୀ ପରସ୍ପରର ବିଷୟରେ ପଚାରି ବୁଝିଥିଲେ।
ଉଲ୍ଲେଖଯୋଗ୍ୟ, ବିହାରରେ ବିଷାକ୍ତ ମଦ ମୃତ୍ୟୁକୁ ନେଇ ଅଡୁଆରେ ପଡିଛନ୍ତି ନୀତିଶ କୁମାର ସରକାର। ଏହି ଘଟଣାରେ ମୃତ୍ୟୁ ସଂଖ୍ୟା 39 ଛୁଇଁଛି। ଅନେକ ଏବେ ବି ଚିକିତ୍ସାଧୀନ ରହିଛନ୍ତି। ଗତକାଲି ଏହି ପ୍ରସଙ୍ଗରେ ନାରାବାଜି କରୁଥିବା ବିଜେପି ବିଧାୟକଙ୍କୁ ମଦ୍ୟପ କହିବାକୁ ପଛାଇ ନଥିଲେ ନୀତିଶ କୁମାର। ହେଲେ ଆଜି ବିରୋଧୀଙ୍କୁ କୌଣସି ପ୍ରକାର ଆକ୍ଷେପ ନକରି ମଦ୍ୟପଙ୍କୁ ଟାର୍ଗେଟ କରିଥିଲେ। କହିଥିଲେ ଯିଏ ମଦ ପିଇବ ସିଏ ମରିବ। କିନ୍ତୁ ହଠାତ ସମାଲୋଚକଙ୍କୁ ଜବାବ ନଦେଇ ଏପରି ଆଭିମୁଖ୍ୟ ପରିବର୍ତ୍ତନ ଏବଂ ବିରୋଧୀ ଦଳର ସଦସ୍ୟଙ୍କ ପିଠି ଥାପୁଡାଇବାକୁ ନେଇ ଚର୍ଚ୍ଚା ଆରମ୍ଭ ହୋଇଛି।
Comments are closed.