ନୂଆଦିଲ୍ଲୀ: କୋଲକାତା ନାଇଟ ରାଇଡର୍ସର ଅଧିନାୟକ ନୀତିଶ ରାଣାଙ୍କ ପତ୍ନୀଙ୍କୁ ଦିଲ୍ଲୀରେ ଦୁର୍ବବ୍ୟହାର କରାଯାଇଛି । କିର୍ତିନଗରରେ କିଛି ଯୁବକ ତାଙ୍କୁ ପିଛା କରିବା ସହ ଗାଡିକୁ ଧକ୍କା ଦେଇଥିଲେ । ସାଚୀ ମାରୱା ଏହାର ସୂଚନା ପୋଲିସକୁ ଦେଇଥିଲେ । ତେବେ ସେ ପୋଲିସର କାର୍ଯ୍ୟାନୁଷ୍ଠାନ ନେଇ ମଧ୍ୟ ଅସନ୍ତୋଷ ବ୍ୟକ୍ତ କରିଛନ୍ତି । ସେ ଯେତେବେଳେ ଅଭିଯୋଗ କଲେ ଦିଲ୍ଲୀ ପୋଲିସ ପକ୍ଷରୁ କୁହାଯାଇଥିଲା ଏବେ ଆପଣ ଘରେ ସୁରକ୍ଷିତ ପଂହଚି ଯାଇଛନ୍ତି । ସେହି ଘଟଣା ବନ୍ଦ କରନ୍ତୁ ନା । ପରବର୍ତୀ ସମୟରେ ଗାଡି ନମ୍ବର ନୋଟ କରିନେବେ । ଇନଷ୍ଟାଗ୍ରାମରେ ସାଚୀ ଏହାକୁ ଶେୟାର କରିବା ପରେ ପୋଲିସ ତତ୍ପରତା ପ୍ରକାଶ କରିଥିଲା ।
ଆମେ ଏହି ଘଟଣାରେ ଜଣେ ୧୮ ବର୍ଷୀୟ ଯୁବକ ବିବେକକୁ ଗିରଫ କରିଛୁ ବୋଲି ଡେପୁଟି କମିଶନର ୱେଷ୍ଟ ଘନଶ୍ୟାମ ବଂସଲ କହିଛନ୍ତି । ଏହା ଏକ ରୋଡ ରେଜ ଘଟଣା ପରି ଲାଗୁଛି । ଖୁବ ଶୀଘ୍ର ଦ୍ୱିତୀୟ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ସେ କହିଛନ୍ତି । ଏ ସମ୍ପର୍କରେ ନୀତିଶଙ୍କ କୌଣସି ବୟାନ ଆସି ନାହିଁ । ସାଚୀ ସାହସ କରି ଅଭିଯୁକ୍ତଙ୍କ ଫଟୋ ଉଠାଇଥିବାରୁ ଅନ୍ୟମାନେ ପ୍ରଶଂସା କରିଛନ୍ତି ।
Comments are closed.