ଲକ୍ଷ୍ନୌ: ଆସନ୍ତା ବର୍ଷ ଉତ୍ତରପ୍ରଦେଶ ସମେତ ଦେଶର ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି। ଗୋଟିଏ ପଟେ ଦେଶରେ କରୋନା ଭାଇରସର ନୂତନ ଭାରିଆଣ୍ଟ ଓମିକ୍ରନ୍ ମାମଲା ବଢୁଥିବାବେଳେ ରାଜ୍ୟରେ ନିର୍ବାଚନୀ ସମାବେଶ ମଧ୍ୟ ଆରମ୍ଭ ହୋଇଛି। ଏହି ସମାବେଶରେ କୋଭିଡ ପ୍ରୋଟୋକଲର ବ୍ୟାପକ ଉଲ୍ଲଂଘନ ହୋଇଛି।
ସେ କଂଗ୍ରେସ, ବିଜେପି ହେଉ କିମ୍ବା ସମାଜବାଦୀ ପାର୍ଟି ହେଉ, ଲୋକମାନେ ସମସ୍ତ ଦଳର ରାଲିରେ ସାମାଜିକ ଦୂରତା ଏବଂ ମାସ୍କର ବାଧ୍ୟତାମୂଳକ ସର୍ତ୍ତଗୁଡିକର ଉଲ୍ଲଂଘନ କରୁଥିବା ଦେଖିବାକୁ ମିଳୁଛି। କେବଳ କିଛି ଲୋକ ମାସ୍କ ପିନ୍ଧିଥିବାର ଦେଖିବାକୁ ମିଳୁଛି।
ଉତ୍ତରପ୍ରଦେଶରେ ୩୦ ପ୍ରତିଶତରୁ କମ୍ ଲୋକଙ୍କୁ ସଂପୂର୍ଣ୍ଣ ଟିକାକରଣ କରାଯାଇଛି। ଭୁତାଣୁ ଦ୍ବାରା ଦ୍ବିତୀୟ ତରଙ୍ଗ ସମୟରେ ୟୁପି ସବୁଠାରୁ ଅଧିକ ପ୍ରଭାବିତ ରାଜ୍ୟ ଥିଲା।
ଗତ ସପ୍ତାହରେ ଆହ୍ଲାବାଦ ହାଇକୋର୍ଟ ନିର୍ବାଚନ ଆୟୋଗ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଉତ୍ତରପ୍ରଦେଶ ବିଧାନସଭା ନିର୍ବାଚନକୁ ଏକମାସ କିମ୍ବା ଦୁଇମାସ ସ୍ଥଗିତ ରଖିବାକୁ ଏବଂ ନିର୍ବାଚନ ସମ୍ପର୍କିତ ସମାବେଶକୁ ନିଷିଦ୍ଧ କରିବାକୁ ଅନୁରୋଧ କରିଥିଲେ।
Comments are closed.