ମୁମ୍ବାଇ: ବଲିଉଡର କିଙ୍ଗଖାନ ଶାହାରୁଖ ଖାଁଙ୍କ ଅଭିନୀତ ଫିଲ୍ମ ‘ଯବାନ’ ଏବେ ସାରା ବିଶ୍ୱରେ ଧମାଲ କରୁଛି । ଏହି ଫିଲ୍ମ ଗତ ୭ ତାରିଖରେ ରିଲିଜ୍ ହୋଇଥିଲା । ଫିଲ୍ମକୁ ଦର୍ଶକ ବେଶ ପସନ୍ଦ କରିଛନ୍ତି । ରିଲିଜ୍ର ପ୍ରଥମ ଦିନରେ ଫିଲ୍ମ ବ୍ୟବସାୟରେ ବକ୍ସ ଅଫିସରେ ରେକର୍ଡ଼ ଭାଙ୍ଗିଛି । କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଫିଲ୍ମ ଯବାନର କ୍ରେଜ ଦେଖିବାକୁ ମିଳିଛି । ହେଲେ ପଡୋଶୀ ଦେଶ ବାଂଲାଦେଶରେ ଶାହାରୁଖଙ୍କ ‘ଯବାନ\’ ରିଲିଜ୍ ହୋଇନାହିଁ । ଏହି ଫିଲ୍ମଟି ବିଶ୍ୱ ପ୍ରିମିୟର୍ ଦିନ ବାଂଲାଦେଶରେ ରିଲିଜ୍ ହେବାର ଥିଲା, କିନ୍ତୁ ବାଂଲାଦେଶର ସେନ୍ସର ବୋର୍ଡ ରିଲିଜକୁ ଅନୁମୋଦନ କରି ନ ଥିଲା । ବାଂଲାଦେଶରେ ଥିବା ଶାହାରୁଖଙ୍କ ପ୍ରଶଂସକଙ୍କୁ ନିରାଶ ହେବାକୁ ପଡିଛି ।
ମିଳିଥିବା ସୂଚନା ଅନୁଯାୟୀ ବାଂଲାଦେଶରେ ବିରୋଧ ପ୍ରଦର୍ଶନ ହେତୁ ଏବେ ଏହାକୁ ରିଲିଜ୍ କରାଯାଇନାହିଁ । ପରବର୍ତ୍ତି ସମୟରେ ଏହାକୁ ବାଂଲାଦେଶରେ ରିଲିଜ କରାଯିବାର କାର୍ଯ୍ୟକ୍ରମ ରହିଛି । କାରଣ ଏହା ପୂର୍ବରୁ ‘ପଠାନ’ ଯେତେବେଳେ ସବୁଠି ରିଲିଜ ହୋଇଥିଲା ସେତେବେଳେ ଏହା ବାଂଲାଦେଶରେ ରିଲିଜ ହୋଇ ନ ଥିଲା । ପରେ ସେଠାରେ ରିଲିଜ କରାଯାଇଥିଲା ।
ଦେଶରେ ଏହା ବିଭିନ୍ନ ଭାଷାରେ ରିଲିଜ ହୋଇଥିବା ବେଳେ ଗୋଟିଏ ଦିନରେ ଶାହାରୁଖଙ୍କ ଏହି ମୁଭି ‘ଯବାନ’ ଏକାଥରେ ୧୦୦ କୋଟି କ୍ଲବରେ ସାମିଲ ହୋଇଯାଇଛି । ଯାହା ଅନୁମାନ ଲଗାଯାଇଥିଲା କି ରିଲିଜର ପ୍ରଥମ ଦିନରେ ଏହି ମୁଭି ସାରା ଦେଶରେ ପ୍ରାୟ ୭୫ କୋଟି ଆୟ କରିବ ହେଲେ ଏହା ତା’ଠାରୁ ଆଗକୁ ଯାଇଛି ।
Comments are closed.