ଭୁବନେଶ୍ୱର : ପ୍ରତିଭା ରାୟ ଫାଉଣ୍ଡେସନ ଟ୍ରଷ୍ଟ ଓ ଆଦ୍ୟା ପ୍ରକାଶନୀ ତରଫରୁ ଅକ୍ଷୟ ଚନ୍ଦ୍ର ରାୟ ସ୍ମାରକୀ ‘ପ୍ରଥମ ଅକ୍ଷୟ ଉପନ୍ୟାସ ପୁରସ୍କାର’ ପ୍ରଦାନ ଉତ୍ସବ ସ୍ଥାନୀୟ ଜୟଦେବ ଭବନ ପରିସରରେ ଅନୁଷ୍ଠିତ ହୋଇଯାଇଛି।
ଏହି ଅବସରରେ ଔପନ୍ୟାସିକା ସ୍ୱାଗତିକା ସ୍ୱାଇଁଙ୍କୁ ତାଙ୍କ ଉପନ୍ୟାସ ଦ୍ରୋହକାଳ ପାଇଁ ପ୍ରଥମ ଅକ୍ଷୟ ଉପନ୍ୟାସ ପୁରସ୍କାର କରାଯାଇଛି। ଏହା ସହ ବ୍ଲାକ ଇଗଲ ବୁକସ ପ୍ରକାଶକ ସତ୍ୟ ପଟ୍ଟନାୟକଙ୍କୁ ପୁସ୍ତକ ପ୍ରକାଶନ ଓ ପ୍ରସାର ପ୍ରତିଭା ସମ୍ମାନ, ଡ. ଦମୟନ୍ତୀ ବେଶରାଙ୍କୁ ପ୍ରତିଭା ରାୟ ଫାଉଣ୍ଡେସନ ଟ୍ରଷ୍ଟ ପ୍ରତିଭା ସମ୍ବର୍ଦ୍ଧନା, ପକ୍ଷୀଘର ପ୍ରକାଶକ ବନୋଜ ତ୍ରିପାଠୀଙ୍କୁ ପୁସ୍ତକ ପ୍ରକାଶନ ସମ୍ମାନ ଓ ତାପସ ରାଉତଙ୍କୁ ପ୍ରତିଭା ସାହିତ୍ୟ ମୁଗ୍ଧ ସମ୍ବର୍ଦ୍ଧନାରେ ସମ୍ବର୍ଦ୍ଧିତ କରାଯାଇଥିଲା।
ଏହି ଅବସରରେ ନିରଞ୍ଜନ ରଥ ମୁଖ୍ୟ ଅତିଥି , ପୂର୍ବତନ ପୋଲିସ ଡିଜି ତଥା ଲେଖକ ବିପିନ ବିହାରୀ ମିଶ୍ର ସମ୍ମାନିତ ଅତିଥି, ପ୍ରଭାକର ସ୍ୱାଇଁ , ପ୍ରଫେସର ବସନ୍ତ ପଣ୍ଡା , ବିଶିଷ୍ଟ ଲେଖିକା ପ୍ରତିଭା ରାୟ ଏବଂ ଟ୍ରଷ୍ଟର ଉପସଭାପତି ଡ . ଆଦ୍ୟାଶା ଦାସ ପ୍ରମୁଖ ଉପସ୍ଥିତ ରହି ଅକ୍ଷୟ ଚନ୍ଦ୍ର ରାୟଙ୍କ ଜୀବନୀ ଓ ପ୍ରତିଭା ରାୟଙ୍କ ବିଭିନ୍ନ କୃତିତ୍ୱ ଉପରେ ଆଲୋକପାତ କରିଥିଲେ।
Comments are closed.