କଳାହାଣ୍ଡି: ଜିଲ୍ଲାର ଧର୍ମଗଡ ଉପଖଣ୍ଡୀୟ ବ୍ରାହ୍ମଣ ସମାଜ ପକ୍ଷରୁ ହୋଟେଲ ରୟାଲ ପ୍ୟାଲେସ ଠାରେ ନୂଆଖାଇ ଭେଟଘାଟ ପାଳିତ ହୋଇଛି । ଏଥିରେ ମୁଖ୍ୟ ଅତିଥି ଭାବେ ଧର୍ମଗଡ ଉପଖଣ୍ଡୀୟ ବ୍ରାହ୍ମଣ ସମାଜର ସଭାପତି ଜନାର୍ଦ୍ଦନ ପଣ୍ଡା ଯୋଗଦେଇଥିଲେ । ସମ୍ମାନୀୟ ଅତିଥି ଭାବେ ବ୍ରାହ୍ମଣ ସମାଜ କଳାହାଣ୍ଡିର ଜିଲ୍ଲା ସାଧାରଣ ସମ୍ପାଦକ ସତ୍ୟ ନାରାୟଣ ମହାପାତ୍ର, ଉପ ସଭାପତି ବିନୋଦ ଶର୍ମା, ସୁନୀତି ମୁଣ୍ଡ, ବରିଷ୍ଠ ଆଇଜୀବୀ ତୁଷାର ରଞ୍ଜନ ପାଟଯୋଶୀ, ଧର୍ମଗଡ ଉପଖଣ୍ଡ ବ୍ରାହ୍ମଣ ସମାଜ ସମ୍ପାଦକ ହେମନ୍ତ ପଣ୍ଡା, ବିସିସି ବ୍ୟାଙ୍କ୍ ସଭାପତି ଗିରିଶ ବେହେରା ପ୍ରମୁଖ ଯୋଗଦାନ କରିଥିଲେ । ସ୍ଥାନୀୟ ବ୍ରାହ୍ମଣ ପରିବାର ତଥା ନବରଙ୍ଗପୁର, ପଡୋଶୀ ଛତିଶଗଡ ରାଜ୍ୟ କଳାହାଣ୍ଡି ଜିଲ୍ଲାର ସମସ୍ତ ବ୍ଲକ୍ ପ୍ରତିନିଧି ସମେତ ଅଂଶଗ୍ରହଣ କରିଥିଲେ ।
ଏହି ଅବସରରେ ପର୍ଶୁରାମ ସେନା ଓ ପ୍ରଜ୍ଞା ବାହିନୀ ତରଫରୁ ରକ୍ତ ଦାନ ଶିବିର ଆୟୋଜନ ହୋଇଥିଲା । ଧର୍ମଗଡ ଏନଏସି ଉପାଧ୍ୟକ୍ଷା ମୋନିଶା ମିଶ୍ର ରକ୍ତ ଦାନ ଶିବିରକୁ ଉଦଘାଟନ କରିଥିଲେ । ଏଥି୍ରେ ପ୍ରଜ୍ଞା ବାହିନୀର ଉପଖଣ୍ଡ ସଂଯୋଜିକା ପ୍ରିୟମ୍ବଦା ଚାନ୍ଦ ଓ ପ୍ରଭାସିନୀ ଠାକୁର, ପ୍ରଜ୍ଞା ବାହିନୀର ଜିଲ୍ଲା ସଂଯୋଜିକା ସ୍ନେହଲତା ଷଡଙ୍ଗୀ ସମେତ ମହିଳା ମାନେ ଅଂଶ ଗ୍ରହଣ କରିଥିଲେ । ଶେଷରେ ସଂଗ୍ରହ କରାଯାଇଥିବା ରକ୍ତକୁ ଧର୍ମଗଡ ଉପଖଣ୍ଡ ରକ୍ତ ଭଣ୍ଡାରକୁ ପ୍ରଦାନ କରାଯାଇଥିଲା ।
ଏହି ଅବସରରେ ଜିଲ୍ଲା ଯୋଜନା କମିଟି ସଦସ୍ୟ ଭାବେ ନିର୍ବାଚିତ ହୋଇଥିବା ପର୍ଶୁରାମ ସେନା ଜିଲ୍ଲା ସଂଯୋଜକ ପ୍ରଶାନ୍ତ ଠାକୁରଙ୍କୁ ସମ୍ବର୍ଦ୍ଧିତ କରାଯାଇଥିଲା । ତେବେ ସଂଜୀବ ମୁଣ୍ଡ ଓ ଜୟନ୍ତ ମୁଣ୍ଡ ମଞ୍ଚ ସଞ୍ଚାଳନ କରିଥିଲେ ପର୍ଶୁରାମ ସେନା ମୁଖ୍ୟ ସଂଯୋଜକ ବିଶ୍ଵ ରଞ୍ଜନ ପାତ୍ରଙ୍କ ସମେତ, ସଂଜୀବ ମିଶ୍ର, ମନୀନ୍ଦ୍ର ଭୂଷଣ ପାତ୍ର, ମନୀନ୍ଦ୍ର ଭୂଷଣ ପାତ୍ର, ଶାଶ୍ୱତ ପାତ୍ର, ଶାଶ୍ୱତ ପଣ୍ଡା, ଦୀପକ ପଣ୍ଡା, ବ୍ରଜେଶ ପଣ୍ଡା, ମାନସ ଆଚାର୍ଯ୍ୟ, ଶାନ୍ତନୁ କୁମାର ମୁଣ୍ଡ ତଥା ପର୍ଶୁରାମ ସେନାର ସମସ୍ତ ସଦସ୍ୟ ସମସ୍ତ କାର୍ଯ୍ୟ ପରିଚାଳନା ଓ ସହଯୋଗ କରିଥିଲେ ।
Comments are closed.