ନୂଆପଡ଼ା : ଅତର୍କିତ ଚଢ଼ାଉ କରି ବାରହା ମାଂସ ଜବତ କରିଛି ନୂଆପଡ଼ା ବନ ବିଭାଗ । ବାରହା ମାଂସ ସହ ଗୋଟିଏ ସିଙ୍ଗଲ ବାରେଲ ଜିପି ବନ୍ଧୁକ, ରକ୍ତ ଲଗା ଟାଙ୍ଗିଆ ସହ ଏକ ନିକିତି ମଧ୍ୟ ଜବତ ହୋଇଛି । ଘଟଣାରେ ୪ ଜଣଙ୍କୁ ଗିରଫ କରିଛି ବନ ବିଭାଗ ।
ସୂଚନା ଅନୁସାରେ, ସଦର ଥାନା ଠାରୁ ମାତ୍ର ୮ କିଲୋମିଟର ଦୂରରେ ଥିବା ଟାନବାଟ ଗ୍ରାମର ସୁରେଶ ବିଶ୍ବାଳଙ୍କ ଘରେ ଅତର୍କିତ ଚଢ଼ାଉ କରିଥିଲା ବନ ବିଭାଗ । ସେହି ସମୟରେ ବାରହା ମାଂସକୁ ପରସ୍ପର ମଧ୍ୟରେ ଭାଗ ବଣ୍ଟା ବେଳେ ୪ ଜଣକୁ କାବୁ କରିଥିଲା ବନ ବିଭାଗ । ୩ କେଜି ମାଂସ, ବନ୍ଧୁକ, ନିକିତି ଓ ଟାଙ୍ଗିଆ ଜବତ କରାଯାଇଥିଲା । ତେବେ ଆଜି ସକାଳୁ ପୁଣି ସୁରେଶଙ୍କ ଘରେ ଯାୟ୍ଚ ପରେ ପ୍ରାୟ ୩୦ ହଜାର ଟଙ୍କାର ଶାଗୁଆନ କାଠ ଜବତ ହୋଇଥିଲା । ଗିରଫ ଅଭିଯୁକ୍ତମାନେ ହେଲେ ସୁରେଶ ବିଶ୍ବାଳ, ଚୈତନ୍ୟ ଶବର, ସଂକୀର୍ତ୍ତନ ଶବର ଓ ରାମଲାଲ ଶବର । ଘଟଣାରେ ଅଧିକ ତଦନ୍ତ କରୁଛି ବନ ବିଭାଗ ।
Comments are closed.