ସ୍ୱାମୀ ସିନ୍ଦୁରକୁ ଭରଷା ନାହିଁ

ଆଉ କିଛି ଦିନ ପରେ ଖୋଲା ମଞ୍ଚରେ ଅଭିନୟ କରିବେ କଳାକାର । ସେଥିପାଇଁ ଏବେ ବିଭିନ୍ନ ଯାତ୍ରାପାର୍ଟିରେ ଚାଲିଛି ରିହଲସେଲ । କଳାକାରମାନେ ଦର୍ଶକଙ୍କୁ ଆକୃଷ୍ଟ କରିବା ପାଇଁ ଯଥା ସମ୍ଭବ ସେମାନଙ୍କର ଚେଷ୍ଟା ଚଳାଇଛନ୍ତି । ଯାତ୍ରା ଲେଖକ ଦର୍ଶକଙ୍କ ମନପସନ୍ଦ କାହାଣୀ ଲେଖିଥିବା ବେଳେ ନିର୍ଦ୍ଦେଶକ ମଧ୍ୟ ସୁନ୍ଦର ନିର୍ଦ୍ଦେଶନା ଦେଇଛନ୍ତି । ଚଳିତବର୍ଷ ଯାତ୍ରା ଗ୍ରାଣ୍ଡ ମହଲ ଦର୍ଶକଙ୍କ ମନପସନ୍ଦ ହେଲାଭଳି ନାଟକ ତିଆରି କରିଛି । ଆଖଡାଶାଳରେ ଆଗାମୀ ବର୍ଷ ପାଇଁ ଜୋରସୋରରେ ପ୍ରସ୍ତୁତି ଚାଲିଛି । ନାଟକ ରିହଲସେଲ ସରିବା ପରେ ଆଖଡାଶାଳରେ ଶତପ୍ରତିଶତ ପରିବେଷଣ ହୋଇଛି । ସ୍ୱାମୀ ସିନ୍ଦୁରକୁ ଭରଷା ନାହିଁ ନାଟକ ଦେଖିବା ପାଇଁ ସ୍ଥାନୀୟ ଅଞ୍ଚଳରେ ବହୁ ଜନସମାଗମ ଦେଖିବାକୁ ମିଳିଥିଲା । ଜଗନ୍ନାଥ ରାଉତ ନାଟକକୁ ରଚନା କରିଥିବାବେଳେ ନର୍ଦ୍ଦେଶନା ଦେଇଛନ୍ତି ସୁବୋଧ ମିଶ୍ର । ପ୍ରେମ, ପ୍ରତାରଣା, ପ୍ରତିହିଂସାର ଏକ ନିଛକ କାହାଣୀ ଦର୍ଶକ ଏଥିରେ ଦେଖିବାକୁ ପାଇବେ । ଆଜିକାଲିର ଦୁନିଆକୁ ନେଇ କାହାଣୀ ପ୍ରସ୍ତୁତ ହୋଇଛି । ଖଳନାୟକ ଭୂମିକାରେ ଅଭିନୟ କରିଥିବା ଅଭିନ ପାଢୀ ଯାତ୍ରୀ ଆରମ୍ଭରୁ ଦମଦାର ଷ୍ଟାଇଲରେ ଏଣ୍ଟ୍ରି କରିଥିଲେ । ଅଭିନଙ୍କ ସମେତ ବହୁ ବରିଷ୍ଠ କଳାକାରମାନେ ଏଥିରେ ସାମିଲ ହୋଇଛନ୍ତି । ଅଧା ରାତିରେ ଦର୍ଶକଙ୍କୁ ମତୁଆଲା କରିବା ପାଇଁ ଦମଦାର ଆଙ୍କରିଂ କରାଯାଇଥିଲା । ଏହା ସହ ମନପସନ୍ଦର ନୃତ୍ୟ ମଧ୍ୟ କଳାକାରମାନେ ପରିବେଷଣ କରିଥିଲେ । ଏହି ନାଟକ ସମସ୍ତଙ୍କ ମନକୁ ବେସ ଛୁଇଁବ ବୋଲି କଳାକାରମାନେ ଆଶାବାଦୀ ଅଛନ୍ତି । ଗୋଟିଏ ସ୍ତ୍ରୀ ପାଇଁ ସ୍ୱାମୀର ସିନ୍ଦୁର କେତେ ମୂଲ୍ୟବାନ ତାକୁ ନାଟକ ମାଧ୍ୟମରେ ଦେଖାଇବାକୁ ଚେଷ୍ଟା କରାଯାଇଛି । ଆଜିକାଲି ଯେପରି ସ୍ୱାମୀ ଥାଉ ଥାଉ ଭୂଲ କାମ କରିବାକୁ ପଛାଉ ନାହାଁନ୍ତି ତାହା କେତେ ଖରାପ ତାହା ମଧ୍ୟ କୁହାଯାଇଛି । ବିଶେଷ କରି ସମୟର ସ୍ରୋତରେ ମଣିଷ ଯେତେବେଳେ ଭୂଲ କରିବସେ ସେ ଭୂଲକୁ ଠିକ କରିବାକୁ ବହୁତ କଷ୍ଟ କରିବାକୁ ପଡିଥାଏ । ଆଜାକାଲିର ପ୍ରେମ ଓ ପ୍ରତାରଣା କେତେ ସହଜ ଆଉ କଷ୍ଟ ତାକୁ ମଧ୍ୟ ଦର୍ଶକ ନାଟକରେ ପାଇପାରିବେ ।