ବାଲେଶ୍ୱର: ବାଲେଶ୍ୱରର ସହଦେବଖୁଣ୍ଟାସ୍ଥିତ ଲୁନିଆଯୋଡି ବ୍ରିଜ୍ ନିକଟରେ ଅବକାରୀ ବିଭାଗ ଚଢାଉ କରି ଶନିବାର ଦିନ ପ୍ରାୟ ୩୦ ଲକ୍ଷ ଟଙ୍କା ମୂଲ୍ୟର ବ୍ରାଉନସୁଗାର ଜବତ କରିଛି । ଏଥିସହିତ ଘଟଣାରେ ସମ୍ପୃକ୍ତି ନେଇ ୩ ଜଣଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତମାନେ ହେଲେ ବାଲେଶ୍ୱର ଅରଦ ବଜାରର ଏସକେ ହାଇଦର ଅଲ୍ଲୀ (୨୬) ଏବଂ ଆଉ ୨ ଜଣ ଖୋର୍ଦ୍ଧା ଅଞ୍ଚଳର ପିତବାସ ରଣା (୨୯), ଭବାନୀ ପ୍ରସାଦ ସ୍ୱାଇଁ (୨୨) ।
ସେମାନଙ୍କ ଠାରୁ ପାଖାପାଖି ୩୦୨ ଗ୍ରାମର ବ୍ରାଉନ ସୁଗାର, ୩ଟି ମୋବାଇଲ୍, ୨ଟି ବାଇକ୍ ଏବଂ ନଗଦ ୯.୪୪ ଲକ୍ଷ ଟଙ୍କା ଜବତ କରାଯାଇଥିବା ନେଇ ବାଲେଶ୍ୱର ଏସପି ଯୁଗଳ କିଶୋର କୁମାର ବାନୋଥ୍ ସୂଚନା ପ୍ରଦାନ କରିଛନ୍ତି ।
Comments are closed.