ଭୁବନେଶ୍ୱର: ନୂଆ ମୋଟରଯାନ ଆଇନ ଲାଗୁ ହେବା ପରେ ସେପ୍ଟେମ୍ବର ମାସରୁ ନଭେମ୍ବର ମାସ ମଧ୍ୟରେ ପାଖାପାଖି ୧କୋଟି ଟଙ୍କା ଜୋରିମାନା ଆଦାୟ କରାଯାଇଥିବା ପରିବହନ ମନ୍ତ୍ରୀ ପଦ୍ମନାଭ ବେହେରା ଗୁରୁବାର ଦିନ ବିଧାନସଭାରେ ପ୍ରକାଶ କରିଛନ୍ତି ।
ଉଲଂଘନ ଓ ଉଲଂଘନକାରୀ:
ଡ୍ରାଇଭିଂ ଲାଇସେନ୍ସ- ଡ୍ରାଇଭିଂ ଲାଇସେନ୍ସ ବିନା ଗାଡି ଚଳାଉଥିବା ପ୍ରାୟ ୫,୩୧୭ ଜଣ ଗାଡି ମାଲିକଙ୍କଠାରୁ ଆଦାୟ ହୋଇଛି ପ୍ରାୟ ୪୬ ଲକ୍ଷ ୮୫୦ ଟଙ୍କା ।
ବିନା ଇନସୁରାନ୍ସ (ବୀମା) ସାର୍ଟିଫିକେଟରେ ଗାଡି ଚଳାଉଥିବା ୨,୧୧୧ ଗାଡି ମାଲିକଙ୍କଠାରୁ ଆଦାୟ କରାଯାଇଛି ପାଖାପାଖି ୧୩,୬୯,୭୦୦ ଟଙ୍କା ।
ବିନା ପଲ୍ୟୁସନ(ପ୍ରଦୂଷଣ) ସାର୍ଟିଫିକେଟରେ ଗାଡି ଚଳାଉଥିବା ପାଖାପାଖି ୧,୧୭୭ ଜଣ ଗାଡି ମାଲିକଙ୍କଠାରୁ ଆଦାୟ ହୋଇଛି ୩୮,୧୬,୧୧୦ ଟଙ୍କା ।
ମଦ ପିଇ ଗାଡି ଚଳାଉଥିବା ପ୍ରାୟ ୪୯୦ ଜଣ ବ୍ୟକ୍ତିଙ୍କଠାରୁ ଆଦାୟ ହୋଇଛି ପାଖାପାଖି ୭,୩୮,୧୦୦ ଟଙ୍କା ।
ଓଡ଼ିଶାରେ ଏହି ନୂଆ ମୋଟରଯାନ ଆଇନ ସେପ୍ଟେମ୍ବର ୧ ତାରିଖରୁ ଲାଗୁ ହୋଇଥିଲା । ମାତ୍ର ୪ ଦିନରେ ଓଡ଼ିଶା ପରିବହନ ବିଭାଗ ପ୍ରାୟ ୪,୦୮୦ ଜଣ ଟ୍ରାଫିକ ନିୟମ ଉଲଂଘନକାରୀଙ୍କ ଠାରୁ ପାଖାପାଖି ୮୮.୯୦ ଲକ୍ଷ ଟଙ୍କାର ଜୋରିମାନା ଆଦାୟ କରିଥିଲା ।