ଭୁବନେଶ୍ୱର: କରୋନା ରୋକିବାକୁ ଆଜିଠାରୁ ରାଜଧାନୀ ଭୁବନେଶ୍ୱରରେ ବଡଧରଣର ଅଭିଯାନ ଆରମ୍ଭ ହୋଇଛି । ୭ ଦିନ ଭିତରେ ୫ ହଜାର ସ୍ୱାବ ପରୀକ୍ଷା କରିବାକୁ ସରକାର ଅଂଟା ଭିଡିଛନ୍ତି । ୧୩ଟି ସ୍ୱତନ୍ତ୍ର ଟିମ୍ ଗଠନ କରି ନମୂନା ସଂଗ୍ରହ କରାଯାଉଛି । ପ୍ରତି ଟିମରେ ୩ ଜଣ ସଦସ୍ୟ ଅଛନ୍ତି । ଜଣେ ଡାକ୍ତର, ଜଣେ ସ୍ୱାସ୍ଥ୍ୟକର୍ମୀ ଏବଂ ଅନ୍ୟଜଣେ ଶିକ୍ଷକ ବିଏମସି ଅଂଚଳରେ ଘରକୁ ଘର ବୁଲି ସ୍ୱାବ ସଂଗ୍ରହ କରୁଛନ୍ତି ।
ଭୁବନେଶ୍ୱର ଉତର, ଦକ୍ଷିଣ-ପଶ୍ଚିମ ଏବଂ ଦକ୍ଷିଣ ପୂର୍ବ ଅଂଚଳରେ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯିବ । ଦୁଇଟି ସିଫ୍ଟରେ ନମୁନା ସଂଗ୍ରହ ହେବ । ସକାଳ ୮ରୁ ଦିନ ୧୧ଟା ଏବଂ ଅପରାହ୍ମ ୪ଟାରୁ ୬ଟା ଯାଏ ନମୁନା ସଂଗ୍ରହ କରାଯିବ । ଡାକ୍ତର ଓ ସ୍ୱାସ୍ଥ୍ୟକର୍ମୀ ସନ୍ଦିଗ୍ଧଙ୍କ ସ୍ୱାବ ସଂଗ୍ରହ କରିବେ ଏବଂ ଟିମରେ ଥିବା ଅନ୍ୟ ଜଣେ ସଦସ୍ୟ ଶିକ୍ଷକ-ଶିକ୍ଷୟତ୍ରୀ କାଗଜପତ୍ର ପୂରଣ ଭଳି ଗୁରୁତ୍ୱପୂର୍ଣ୍ଣ କାମ କରିବେ । ପ୍ରଥମ ପର୍ଯ୍ୟାୟରେ ସକାଳ ୮ରୁ ଆରମ୍ଭ ହୋଇଥିବା ଏହି ଅଭିଯାନ ଦିନ ୧୧ଟାରେ ଶେଷ ହୋଇଛି ।
Comments are closed.