ଜଗତସିଂହପୁର: ଜଗତସିଂହପୁରର ଦୁଇ ଶକ୍ତିପୀଠରେ ଲାଗିଲା ୧୪୪ ଧାରା । ଏନେଇ ଜିଲ୍ଲା ପ୍ରଶାସନ ନିର୍ଦ୍ଦେଶ ଜାରି କରିଛନ୍ତି । ତିର୍ତ୍ତୋଲ ଥାନା ଅଞ୍ଚଳ ଝଙ୍କଡ଼ ମା’ ଶାରଳା ପୀଠ ସହ ବାଲିକୁଦା ଥାନା ପରାହାଟ ଭଗବତୀ ମନ୍ଦିର ଅଞ୍ଚଳରେ ୧୪୪ ଧାରା ଜାରି କରାଯାଇଛି।
ଲକଡାଉନ୍ ଭିତରେ କରୋନା ମୁକାବିଲା ପାଇଁ ପଣା ସଂକ୍ରାନ୍ତି ଝାମୁ ଯାତ୍ରା ଅବସରରେ ଲୋକେ ଯେପରି ଏହି ଦୁଇ ଶକ୍ତିପୀଠରେ ଏକାଠି ନହେବେ ସେଥିପାଇଁ ଏଭଳି କଟକଣା ଜାରି କରାଯାଇଛି । ଆସନ୍ତାକାଲିଠାରୁ ୩ ଦିନ ଯାଏଁ ଏଠାରେ ୧୪୪ ଧାରା ଲାଗୁ କରାଯାଇଛି । ଏଥିସହ ୪ଜଣରୁ ଅଧିକ ଲୋକ ଏକତ୍ରିତ ନହେବାକୁ ପ୍ରଶାସନ ପକ୍ଷରୁ କୁହାଯାଇଛି ।
ସୂଚନା ଯୋଗ୍ୟ ଯେ, ଏପ୍ରିଲ ୧୪ ତାରିଖରେ ପଣା ସଂକ୍ରାନ୍ତି ତଥା ମହାବିଷୁବ ସଂକ୍ରାନ୍ତି । ଏହି ଦିନ ଏହି ଦୁଇ ଶକ୍ତିପୀଠରେ ମହା ଆଡମ୍ବରରେ ଝାମୁ ଯାତ୍ରା ତଥା ପଣା ସଂକ୍ରାନ୍ତି ପାଳନ ହୋଇଥାଏ ।
Comments are closed.