ଭୁବନେଶ୍ୱର: ଦେଶରେ ଦିନକୁ ଦିନ କରୋନା ପରିସ୍ଥିତି ଅଣାୟତ ହେଉଥିବା ଯୋଗୁଁ ଜନସାଧାରଣଙ୍କ ସୁରକ୍ଷା ଲାଗି ଗାଡି ସମ୍ବନ୍ଧୀୟ ସମସ୍ତ କାଗଜପତ୍ରର ଅବଧିକୁ ବଢାଇଛନ୍ତି କେନ୍ଦ୍ର ସରକାର ।
ଯାହାଫଳରେ ଫେବୃଆରୀ ୧ରୁ ସରୁଥିବା ଗାଡି ଡକ୍ୟୁମେଣ୍ଟ ଗୁଡିକୁ ଆସନ୍ତା ସେପ୍ଟେମ୍ବର ୩୦ ତାରିଖ ଯାଏଁ ବୈଧତା ପ୍ରାପ୍ତ ହେବ ।
କେନ୍ଦ୍ରର ନିର୍ଦ୍ଦେଶ ପରେ ଏନେଇ ରାଜ୍ୟ ପରିବହନ କର୍ତ୍ତୃପକ୍ଷ ଟ୍ୱିଟ ମଧ୍ୟ କରିଛନ୍ତି ।
Due to COVID pandemic, STA has extended the validity of Driving License, Registration Certificate, Learners License, Fitness, Permits till 30.9.2020. Citizens are advised not visit RTO offices for the above documents.@CTOdisha #odishacares pic.twitter.com/P5BaR3Rg37
— State Transport Authority, Odisha (@STAOdisha) June 19, 2020
ପ୍ରାପ୍ତ ସୂଚନାନୁଯାୟୀ ଦେଶବ୍ୟାପୀ କରୋନା ପରିସ୍ଥିତକୁ ନଜରରେ ରଖି ଏଭଳି ନିଷ୍ପତ୍ତି ଗ୍ରହଣ କରାଯାଇଛି । ଯାହାକୁ ଦୃଷ୍ଟିରେ ରଖି ଗାଡି ସମ୍ବନ୍ଧୀୟ ସମସ୍ତ ଡକ୍ୟୁମେଣ୍ଟର ଅବଧିକୁ ବୃଦ୍ଧି କରାଯାଇଛି । ଏହି ଅବଧି ମଧ୍ୟରେ ପରିବହନ ଅଫିସ (ଆରଟିଓ)କୁ ଜନସାଧାରଣଙ୍କୁ ନଯିବା ପାଇଁ ମଧ୍ୟ ନିର୍ଦ୍ଦେଶରେ କୁହାଯାଇଛି ।
ଏହି ଡକ୍ୟୁମେଣ୍ଟ୍ ମଧ୍ୟରେ ରହିଛି- ଡ୍ରାଇଭିଂ ଲାଇସେନ୍ସ, ରେଜିଷ୍ଟ୍ରେସନ ସାର୍ଟିଫିକେଟ୍, ଫିଟନେସ୍, ଲର୍ଣ୍ଣିଂ ଲାଇସେନ୍ସ ଓ ପରମିଟ୍ । ଆହୁରି ମଧ୍ୟ ମାଲ ପରିବହନ, ଘରୋଇ ଗାଡି ଓ ଶିକ୍ଷାନୁଷ୍ଠାନ କାର୍ଯ୍ୟରେ ଲାଗିଥିବା ଗାଡିର ପରମିଟ ଅବଧିକୁ ମଧ୍ୟ ବଢାଯାଇଛି ।