ଭୁବନେଶ୍ୱର: ଓଡ଼ିଶା ସରକାର ବରିଷ୍ଠ ଆଇପିଏସ ଅଧିକାରୀଙ୍କୁ ମଙ୍ଗଳବାର ଦିନ ପଦୋନ୍ନତି ଦେଇଛନ୍ତି।
ସାଧାରଣ ପ୍ରଶାସନ ଏବଂ ସାଧାରଣ ଅଭିଯୋଗ ବିଭାଗ ଦ୍ୱାରା ଜାରି ଏକ ବିଜ୍ଞପ୍ତି ଅନୁଯାୟୀ, ୨୦୦୧ ବ୍ୟାଚ୍ ଆଇପିଏସ ଅଧିକାରୀ ସାଇନି ଏସଙ୍କୁ ଜାନୁଆରୀ ୧, ୨୦୨୬ ରୁ ପେ ମାଟ୍ରିକ୍ସର ସ୍ତର-୧୫ରେ ଅତିରିକ୍ତ ପୋଲିସ ମହାନିର୍ଦ୍ଦେଶକ (ଅତିରିକ୍ତ ଡିଜି) ଗ୍ରେଡକୁ ପଦୋନ୍ନତି ଦିଆଯାଇଛି।
ସେହିପରି କେନ୍ଦ୍ରୀୟ ଡେପୁଟେସନରେ ଥିବା ୨୦୦୧ ବ୍ୟାଚ୍ ଆଇପିଏସ ଅଧିକାରୀ ସୂର୍ଯ୍ୟ ଥାଙ୍କପ୍ପନଙ୍କୁ ପେ ମାଟ୍ରିକ୍ସର ସ୍ତର-୧୫ ରେ ଅତିରିକ୍ତ ପୋଲିସ ମହାନିର୍ଦ୍ଦେଶକ ଗ୍ରେଡକୁ ପ୍ରୋଫର୍ମା ପଦୋନ୍ନତି ଦିଆଯାଇଛି।
ସେହିପରି ୨୦୦୮ ବ୍ୟାଚ୍ ଆଇପିଏସ ଅଧିକାରୀ ସତ୍ୟଜିତ ନାୟକ ଏବଂ ଉମାଶଙ୍କର ଦାଶଙ୍କୁ ପେ ମାଟ୍ରିକ୍ସର ସ୍ତର-୧୪ ରେ ପୋଲିସ ମହାନିରିକ୍ଷକ (ଆଇଜିପି) ପଦବୀକୁ ପଦୋନ୍ନତି ଦିଆଯାଇଛି। ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସେମାନେ ସେମାନଙ୍କର ବର୍ତ୍ତମାନର ପୋଷ୍ଟିଂରେ ରହିବେ। ଆଉ ଜଣେ ୨୦୦୮ ବ୍ୟାଚ୍ ଆଇପିଏସ୍ ଅଧିକାରୀ ପ୍ରକାଶ ଆର, ଯିଏ ବର୍ତ୍ତମାନ କେନ୍ଦ୍ରୀୟ ଡେପୁଟେସନରେ ଅଛନ୍ତି। ତାଙ୍କୁ ପେ ମାଟ୍ରିକ୍ସର ଲେବଲ୍-୧୪ରେ ଆଇଜିପି ପଦବୀକୁ ପ୍ରୋଫର୍ମା ପଦୋନ୍ନତି ଦିଆଯାଇଛି।
ଅନ୍ୟ ଏକ ସୂଚନା ଅନୁଯାୟୀ, ୨୦୧୨ ବ୍ୟାଚ୍ ଆଇପିଏସ୍ ଅଧିକାରୀ ମଦକର ସନ୍ଦୀପ ସମ୍ପତଙ୍କୁ ପେ ମାଟ୍ରିକ୍ସର ଲେବଲ୍-୧୩ଏରେ ଡେପୁଟି ଇନ୍ସପେକ୍ଟର ଜେନେରାଲ ଅଫ୍ ପୋଲିସ (ଡିଆଇଜି) ପଦବୀକୁ ପଦୋନ୍ନତି ଦିଆଯାଇଛି। ଯାହା ଜାନୁଆରୀ ୧, ୨୦୨୬ ରୁ କାର୍ଯ୍ୟକାରୀ ହେବ। ସେହିପରି କେନ୍ଦ୍ରୀୟ ଡେପୁଟେସନରେ ଥିବା ୨୦୧୨ ବ୍ୟାଚ୍ ଆଇପିଏସ୍ ଅଧିକାରୀ ସୁଧାଂସୁ ଶେଖର ମିଶ୍ରଙ୍କୁ ପେ ମାଟ୍ରିକ୍ସର ଲେବଲ୍-୧୩ଏରେ ଡିଆଇଜି ଗ୍ରେଡକୁ ପଦୋନ୍ନତି ଦିଆଯାଇଛି।
ଏହା ବ୍ୟତୀତ ୨୦୧୩ ବ୍ୟାଚ୍ ଆଇପିଏସ୍ ଅଧିକାରୀ ଜଗମୋହନ ମୀନା, ପରମାର ସ୍ମିତ ପୁରୁଷୋତ୍ତମଦାସ ଏବଂ ମୁକେଶ କୁମାର ଭାମୁଙ୍କୁ ପେ ମାଟ୍ରିକ୍ସର ଲେବଲ୍-୧୩ ରେ ସିଲେକ୍ସନ୍ ଗ୍ରେଡ୍ କୁ ପଦୋନ୍ନତି ଦିଆଯାଇଛି ଏବଂ ସେମାନେ ସେମାନଙ୍କର ବର୍ତ୍ତମାନର ପୋଷ୍ଟିଂରେ ସିଟୁରେ ଜାରି ରହିବେ। ସେହିପରି କେନ୍ଦ୍ରୀୟ ଡେପୁଟେସନ୍ରେ ଥିବା ୨୦୧୩ ବ୍ୟାଚ୍ ଆଇପିଏସ୍ ଅଧିକାରୀ ରାହୁଲ ପିଆର୍, ଅନୁପମା ଜେମ୍ସ ଏବଂ ଏଲ୍. ଦିବ୍ୟା ଭି। ଏହିମାନଙ୍କୁ ପେ ମାଟ୍ରିକ୍ସର ଲେବଲ୍-୧୩ ରେ ସିଲେକ୍ସନ୍ ଗ୍ରେଡ୍ କୁ ପ୍ରୋଫର୍ମା ପଦୋନ୍ନତି ଦିଆଯାଇଛି।
୨୦୧୭ ବ୍ୟାଚ୍ ଆଇପିଏସ୍ ଅଧିକାରୀ ସ୍ୱାଥି ଏସ୍ କୁମାର, ସିଦ୍ଧାର୍ଥ କଟାରିଆ ଏବଂ ପ୍ରହଲ୍ଲାଦ ସହାୟ ମୀନାଙ୍କୁ ପେ ମାଟ୍ରିକ୍ସର ଲେବଲ୍-୧୨ ରେ ଜୁନିଅର ପ୍ରଶାସନିକ ଗ୍ରେଡ୍ କୁ ପଦୋନ୍ନତି ଦିଆଯାଇଛି।