ଭୁବନେଶ୍ୱର: ରାତି ପାହିଲେ ରଙ୍ଗର ପର୍ବ ହୋଲି । ତେବେ ଏହା ପୂର୍ବରୁ ଆଜି ରାଜ୍ୟ ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳ ଭାରତରେ କରୋନା ଭାଇରସ ଭୟ ଲାଗି ରହିଥିବାରୁ ଓଡ଼ିଶାରେ ସଚେତନତା ପାଇଁ ହୋଲି ଖେଳକୁ ନେଇ ପରାମର୍ଶ ଜାରି କରିଛନ୍ତି । ମୁହଁରେ ରଙ୍ଗ ବୋଳିବାକୁ ସେ ମନା କରିଛନ୍ତି । ଏଥିସହ ଆଲିଙ୍ଗନ କିମ୍ବା ହାତ ନ ମିଳାଇବା ପାଇଁ ମଧ୍ୟ ସେ ରାଜ୍ୟବାସୀଙ୍କୁ ପରାମର୍ଶ ଦେଇଛନ୍ତି ।
କେବଳ ସେତିକି ନୁହେଁ କୌଣସି ସ୍ଥାନରେ ଏକାଠି ଗାଧାନ୍ତୁ ନାହିଁ । ଥଣ୍ଡା, ଛିଙ୍କ ଓ ସର୍ଦ୍ଧି ଥିଲେ ହୋଲି ଖେଳନ୍ତୁ ନାହିଁ । ଖୁସିର ପର୍ବକୁ ମନା ନାହିଁ ତେଣୁ ଏହାକୁ ଘରେ ରହି ଖେଳନ୍ତୁ ବୋଲି ସ୍ୱାସ୍ଥ୍ୟ ସଚିବ ପରାମର୍ଶ ଦେଇଛନ୍ତି ।
Comments are closed.