ଭୁବନେଶ୍ୱର: ସ୍ଥାନୀୟ କଳିଙ୍ଗ ଷ୍ଟାଡିୟମରେ ଓଡିଶା ନାଭାଲ ଟାଟା ହକି ଗ୍ରାସରୁଟ ଲିଗ ଚାମ୍ପିୟନଶିପର ୪ର୍ଥ ସଂସ୍କରଣ ଆରମ୍ଭ ହୋଇଛି । ଉଭୟ ପୁରୁଷ ଏବଂ ମହିଳା ବର୍ଗରେ ୮ଟି ଲେଖାଏଁ ଦଳ ରହିଛନ୍ତି । ତୃଣମୂଳସ୍ତରରେ ପ୍ରତିଭାବାନ ହକି ଖେଳାଳିଙ୍କୁ ଚିହ୍ନଟ କରିବା ଏହାର ମୂଳ ଲକ୍ଷ୍ୟ । ଓଡିଶା ସରକାରଙ୍କ କ୍ରୀଡା ଓ ଯୁବସେବା ବିଭାଗ ସହଯୋଗରେ ଓଡିଶା ନାଭାଲ ଟାଟା ହକି ଉତ୍କର୍ଷ ପ୍ରଦର୍ଶନ କେନ୍ଦ୍ର ପକ୍ଷରୁ ଆୟୋଜିତ ଏହି ଚାମ୍ପିୟନଶିପ ୧୨ ତାରିଖ ପର୍ଯ୍ୟନ୍ତ ଚାଲିବ । ପୂର୍ବରୁ ଜୁନ ୧୦ରୁ ୧୫ ପର୍ଯ୍ୟନ୍ତ ନୂଆଗଁ ଓ ଯାଜପୁରରେ ଏହି ଚାମ୍ପିୟନଶିପ ଆୟୋଜିତ ହୋଇଥିଲା ।
ଏଥିରେ ୩୨ଟି ଟିମ ଅଂଶ ଗ୍ରହଣ କରିଥିଲେ । ଏହା ମଧ୍ୟରୁ ୮ଟି ଟିମ ଚୟନ କରାଯାଇଥିଲା । ଟିମଗୁଡିକ ହେଲା- ପୁରୁଷ ବର୍ଗରେ ଏଚପିସି ରାଜଗାଙ୍ଗପୁର, କୁତ୍ରା, ବଣେଇ, ତିଲେଇକାନି, ବିଶ୍ରା, ଛତ୍ରପୁର, ସବଦେଗା ଓ ସୌନାମୁରା । ମହିଳା ବର୍ଗରେ ଏଚପିସି ଗୁରୁଣ୍ଡିଆ, ନୂଆଗାଁ, ଲେଫ୍ରିପଡା, କୁଆଁରମୁଣ୍ଡା, ବରଗାଁ, ଲାଠିକଟା, ଛତ୍ରପୁର ଓ ଢେଙ୍କାନାଳ ଯୋଗ୍ୟତା ଅର୍ଜନ କରିଛନ୍ତି ।
Comments are closed.