ବଲାଙ୍ଗୀର: ଆଦିବାସୀ ନେତା ବ୍ରଜ କିଶୋର ସିଂଭୋଇଙ୍କର ରବିବାର ଦିନ ବଲାଙ୍ଗୀରର ଏକ ଡାକ୍ତରଖାନାରେ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ହୋଇଥିଲା।
ରବିବାର ସକାଳେ ଶ୍ୱାସକ୍ରିୟାରେ ସମସ୍ୟା ଅନୁଭବ କରିବା ପରେ ସିଂଭୋଇଙ୍କୁ ଭୀମଭୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଚିକିତ୍ସା ଚାଲିଥିବା ସମୟରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।
୧୯୪୮ ମସିହା ଡିସେମ୍ବର ୩୦ରେ ବ୍ରଜ କିଶୋର ସିଂଭୋଇ ଜନ୍ମଗ୍ରହଣ କରିଥିଲେ। ସେ ୨୦୧୦ ମସିହାରୁ ବଲାଙ୍ଗୀର ଜିଲ୍ଲା ଆଦିବାସୀ କଲ୍ୟାଣ ସଂଗଠନର ସଭାପତି ଥିଲେ। ସେ କରୋନା ମହାମାରୀ ସମୟରେ ଲୋକଙ୍କ କଲ୍ୟାଣ ପାଇଁ ଅନେକ କାମ ମଧ୍ୟ କରିଛନ୍ତି।