କଟକ: ଏଠାରେ ଖେଳାଯାଇଥିବା ରଣଜୀ ଟ୍ରଫି କ୍ରିକେଟର ଏକ ମ୍ୟାଚରେ ଓଡିଶା ୩ ୱିକେଟରେ ମହାରାଷ୍ଟ୍ରକୁ ପରାସ୍ତ କରିଛି । ୧୩୦ ରନର ଲକ୍ଷ୍ୟକୁ ପିଛା କରି ଓଡିଶା ପୂନର୍ବା ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ସନ୍ଦୀପ ପଟ୍ଟନାୟକ ୩୬ ଓ ଅଧିନାୟକ ଗୋବିନ୍ଦ ପୋଦ୍ଦାରଙ୍କ ୪୮ ରନର ଇନିଂସ ଯୋଗୁ ଓଡିଶା ଏହି ମ୍ୟାଚରେ ବିଜୟ ହାସଲ କରିପାରିଥିଲା । ପ୍ରଶାନ୍ତ ସୋଲାଙ୍କି ୩ଟି ଏବଂ ହୀତେଶ ୱାଲୁଞ୍ଜ ୨ଟି ୱିକେଟ ନେଇଥିଲେ । ପୂର୍ବରୁ ମହାରାଷ୍ଟ୍ରର ପ୍ରଥମ ଇନିଂସ ସ୍କୋର ୧୬୨ ରନ ଜବାବରେ ଓଡିଶା ୨୦୦ ରନ କରିଥିଲା । ଦ୍ୱିତୀୟ ଇନିଂସରେ ମହାରାଷ୍ଟ୍ର ୧୬୬ ରନ କରିବାକୁ ସକ୍ଷମ ହୋଇଥିଲା । ସୁମିତ ଶର୍ମା ୫ଟି ଓ ଗୋବିନ୍ଦ ପୋଦ୍ଦାର ୩ଟି ୱିକେଟ ନେଇଥିଲେ ।
ଚଳିତ ସିଜନରେ ଓଡିଶାର ଏହା ପ୍ରଥମ ବିଜୟ । ପ୍ରଭାବୀ ପ୍ରଦର୍ଶନ ପାଇଁ ଗୋବିନ୍ଦ ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଥିଲେ । ଓଡିଶା ଏହି ମ୍ୟାଚରେ ୫ ପଂଏଟ ହାସଲ କରିବା ସହ ଓଭରାଲ ୫ଟି ମ୍ୟାଚରୁ ୧୦ ପଂଏଟ ପାଇ ଷଷ୍ଠ ସ୍ଥାନରେ ରହିଛି । ବୋଲରଙ୍କ ପ୍ରଦର୍ଶନ ଅପେକ୍ଷା ବ୍ୟାଟ୍ସମ୍ୟାନଙ୍କ ଫର୍ମ ଏବେ ବି ଓଡିଶା ପାଇଁ ଚିନ୍ତାର କାରଣ ସାଜିଛି ।