ମାଲକାନଗିରି : ମାଲକାନଗିରି ଜିଲ୍ଲା ଖୈରପୁଟ ବ୍ଲକ ଅନ୍ତର୍ଗତ ବଣ୍ଡା ଘାଟିରେ ବାସ କରନ୍ତି ପ୍ରାୟ ୭ ହଜାର ଆଦିମ ଜନଜାତିର ଲୋକେ । ଖୈରପୁଟ ବ୍ଲକ ଅନ୍ତର୍ଗତ ମୁଣ୍ଡିଗୁଡା ଠାରେ ହେଉଥିବା ସାପ୍ତାହିକ ହାଟ କହିଲେ ବୁଝାଏ ଏହି ବଣ୍ଡା ହାଟ । କାରଣ ଏହି ସାପ୍ତାହିକ ହାଟରେ ବଣ୍ଡା ଘାଟିର ଦୁଇଟି ପଞ୍ଚାୟତର ୩୨ ଖଣ୍ଡ ଗାଁର ବଣ୍ଡା ଲୋକେ ହିଁ ଆସିଥାଆନ୍ତି ସେମାନଙ୍କର ହାଟ ବଜାର କରିବା ଲାଗି । ନିଜ ଅଞ୍ଚଳର ପାରମ୍ପରିକ ଜିନିଷ ବିକ୍ରି କରିବା ହେଉ ବା ହାଟରୁ ଅନ୍ୟ ସାମଗ୍ରୀ କିଣିବା ଏଥିପାଇଁ ବଣ୍ଡା ଲୋକଙ୍କୁ ସପ୍ତାହକୁ ଥରେ ଘାଟି ତଳକୁ ଆସିବାକୁ ପଡେ ।
୨୫ ରୁ ୩୦ କିଲୋମିଟର ଚାଲି ଚାଲି ସେମାନଙ୍କୁ ହାଟ ବଜାର କରିବା ଲାଗି ଆସିବାକୁ ପଡୁଛି । ତେବେ ଘାଟିରେ ଉପରେ ଗୋଟିଏ ସାପ୍ତାହିକ ହାଟ କରିବା ଲାଗି ବଣ୍ଡା ଜନ ଜାତିର ଲୋକେ ବାରମ୍ବାର ପ୍ରଶାସନକୁ ଅନୁରୋଧ କରିଥିଲେ ହେଁ ବର୍ତ୍ତମାନ ସୁଦ୍ଧା ତାହା ହୋଇ ପାରିନାହିଁ । ଦିର୍ଘ ବର୍ଷ ପରେ ବଣ୍ଡା ଘାଟିର ବିକାଶ ଲାଗି ଅଣ୍ଟା ଭିଡିଛନ୍ତି ରାଜ୍ୟ ସରକାର । ତେବେ ବଣ୍ଡା ଲୋକଙ୍କ ଅସୁବିଧା ସଂପର୍କରେ ବିଚାର କରି ଜିଲ୍ଲା କହିଛନ୍ତି ଯେ ଖୁବ ଶିଘ୍ର ବଣ୍ଡା ଘାଟିରେ ଆରଏମସି ତରଫରୁ ଏକ ସାପ୍ତାହିକ ହାଟର ବ୍ୟବସ୍ତା କରାଯିବ ।
