ଭୁବନେଶ୍ୱର: କୋଭିଡ ପାଇଁ ବିଗତ ୬ ମାସ ହେବ ବନ୍ଦ ରହିଛି ସମସ୍ତ ପର୍ଯ୍ୟଟନ ସ୍ଥଳୀ । ତେବେ ଗତ ୨ ଦିନ ତଳେ ପର୍ଯ୍ୟଟନ ଦିବସ ଅବସରରେ ରାଜ୍ୟରେ ସମସ୍ତେ ପର୍ଯ୍ୟଟନ ସ୍ଥଳୀ ଗୁଡିକ ଖୋଲିବ ନେଇ ନିଷ୍ପତ୍ତି ହୋଇଛି ।
ତେବେ ଖୁବଶୀଘ୍ର ଖୋଲିବାକୁ ଯାଉଛି ଚନ୍ଦକା ଅଭୟାରଣ୍ୟ । କୋଭିଡ ଗାଇଡ଼ଲାଇନକୁ ଦୃଷ୍ଟିରେ ନିର୍ଦ୍ଦିଷ୍ଟ ପ୍ରତିବନ୍ଧକ ବନ୍ୟଜନ୍ତୁ ସଂରକ୍ଷଣ ସ୍ଥାନ ଖୋଲାଯିବ । ତେବେ ଆସନ୍ତା ଅକ୍ଟୋବର ୨ ରୁ ଚନ୍ଦକା ଅଭୟାରଣ୍ୟ ଖୋଲିବା ନେଇ ସୂଚନା ମିଳିଛି ।
ଚନ୍ଦକା ବନଖଣ୍ଡ ଅଧିକାରୀ କେଦାରନାଥ ଜେନା ଦେଇଥିବା ସୂଚନାନୁସାରେ ପର୍ଯ୍ୟଟକଙ୍କୁ ମୁଖ୍ୟ ଫାଟକ ଦେଇ ଅଭୟାରଣ୍ୟରେ ପ୍ରବେଶ କରିବାକୁ ଅନୁମତି ଦିଆଯିବ। ସେମାନଙ୍କୁ ମାସ୍କ ବ୍ୟବହାର ଏବଂ ସାମାଜିକ ଦୂରତା ଆଦି ନିୟମ ପାଳନ କରିବାକୁ ପଡିବ । ଏହି ନିୟମକୁ କାର୍ଯ୍ୟକାରୀ କରିବା ପାଇଁ ପର୍ଯ୍ୟାପ୍ତ ସଂଖ୍ୟକ ସୁରକ୍ଷା କର୍ମୀ ନିୟୋଜିତ ହେବେ ବୋଲି ସେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ପରିଦର୍ଶକଙ୍କ ସୁବିଧା ପାଇଁ ରହିବା ଏବଂ ଖାଇବା ସମେତ ସମସ୍ତ ବ୍ୟବସ୍ଥା କରାଯାଇଛି।
କରୋନା ମହାମାରୀ ଯୋଗୁଁ ମାର୍ଚ୍ଚ ୨୭ ତାରିଖରୁ ଏହି ଅଭୟାରଣ୍ୟ ସର୍ବସାଧାରଣଙ୍କ ପାଇଁ ବନ୍ଦ ରହିଥିଲା ।
Comments are closed.