ବଲାଙ୍ଗୀର: ଦନ୍ତା ହାତୀ ପାଇଁ ଲୋକେ ଅସ୍ତବ୍ୟସ୍ତ । ହାତୀ ଦଳିଦେବାରୁ ବୃଦ୍ଧାଙ୍କ ମୃତ୍ୟୁ । ବୃଦ୍ଧା ବାସନ୍ତୀ ଅଙ୍ଗରିଆ ଘରୁ ବାହାରକୁ ବାହାରିଥିବା ବେଳେ ହାତୀ ଦଳି ଦେବାରୁ ତାଙ୍କର ମୃତ୍ୟ ହୋଇଛି । ଏହି ଘଟଣା ପରେ ଲୋକେ ବାହାରକୁ ନ ବାହାରିବାକୁ ଡାକବାଜି ଯନ୍ତ୍ରରେ ଲୋକଙ୍କୁ ଜଙ୍ଗଲ ବିଭାଗ ସୁଚନା ଦେଉଛି।
ଦୁଇ ଦିନ ହେବ ବଲାଙ୍ଗୀର ଜିଲ୍ଲା ଖପ୍ରାଖୋଲରେ ଦୁଇଟି ହାତୀ ଗାଁରେ ପଶି ଉପଦ୍ରବ କରିଛନ୍ତି । ଦନ୍ତାହାତୀ ଗାଁରେ ଘର ଦ୍ୱାର ଭାଙ୍ଗି ଦେଇଛି । ଲାଠୋର ସହରରେ ହାତୀ ପ୍ରବେଶ କରିବାରୁ ଲୋକେ ଭୟଭୀତ ଅବସ୍ଥାରେ ଥିଲେ । ପରେ ଲାଠୋର ବନ୍ ବିଭାଗ ଉକ୍ତ ହାତୀକୁ ଘଉଡାଇ ବା ବେଳେ ଦୁଇ ହାତୀ ପୁଣି ହରିଶଙ୍କର ଅଂଚଳ ଆଡ଼କୁ ପଶି ଆସିଥିଲେ । ଦୁଇ ଦିନ ହେବ ମଣିଷ ଏବଂ ହାତୀ ମଧ୍ୟରେ ଲୁଚକାଳି ଖେଳ ଦେଖିବାକୁ ମିଳୁଛି । ଲାଠୋର ଏବଂ ହରିଶଙ୍କର ରେଞ୍ଜ ଦୁଇ ହାତୀ ପାଇଁ ନକେଦମ୍ ହୋଇଛନ୍ତି ଲୋକେ । ସେପଟେ ଦନ୍ତାହାତୀ ପାଇଁ ଘରୁ ବାହାରକୁ ନବାହାରିବାକୁ ବନ ବିଭାଗ ଡାକବାଜି ଯନ୍ତ୍ର ଜରିଆରେ ସତର୍କ କରାଇଛି ।
Comments are closed.