ଭୁବନେଶ୍ୱର: ଗୋଟିଏ ନୁହେଁ କି ଦୁଇଟି । ଏକାଥରେ ତିନି ତିନିଟା ହିରୋଇନଙ୍କ ସହ ଚକଲେଟ୍ ବୟ ବାବୁସାନ୍ ପରଦାକୁ ଆସୁଛନ୍ତି । ଚକଲେଟ୍ ବୟ ଦର୍ଶକଙ୍କ ସହ ଆଉ ଏକ ସମ୍ପର୍କ ଯୋଡିବା ଉଦ୍ଦେଶ୍ୟରେ ପରଦାରେ ନିଜର କମାଲ ଦେଖାଇବେ ।
ସେଥିପାଇଁ ଚଳିତବର୍ଷ ରିଲିଜ୍ ହେବାକୁ ଯାଉଛି ‘ମିଷ୍ଟର ମଜନୁ’ । ତରଙ୍ଗ ସିନେ ପ୍ରଡକ୍ସନ୍ ବ୍ୟାନରେ ପ୍ରସ୍ତୁତି ଚାଲିଥିବା ଏହି ଚଳଚ୍ଚିତ୍ରର କିଛି ଦିନ ହେବ ପୋଷ୍ଟର ରିଲିଜ ହୋଇଛି ।
ତା’ସହିତ ସ୍ୱୟମ-ଅନ୍ତରାଙ୍କ କଣ୍ଠରେ ‘ତୁ ଚଚଂଳ ନଈ’ ଓ ତାରିକ୍ ଅଜିଜ୍ଙ୍କ କଣ୍ଠରେ ‘କିଏ ହେବ ମୋ ରଙ୍ଗବତୀ’ ମଧ୍ୟ ରିଲିଜ ହୋଇଛି । ମିଷ୍ଟର ମଜନୁ ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଛନ୍ତି ବାବୁସାନ୍ ।
ତାଙ୍କ ବିପକ୍ଷରେ ନାୟିକା ସାଜିଛନ୍ତି ଶୀତଲ୍, ସୂରମୟୀ ଓ ଦିବ୍ୟା । ତିନି ଅଭିନେତ୍ରୀଙ୍କ ସହିତ ବାବୁସାନ୍ ଦର୍ଶକଙ୍କ ଠାରୁ କେତେ ଭଲ ପାଇବା ପାଉଛନ୍ତି ଦେଖିବାକୁ ଅଛି । ପୂଜାରେ ଏହି ଓଡ଼ିଆ ଚଳଚ୍ଚିତ୍ର ସୁପରହିଟ୍ ହେଉ ମା’ଙ୍କ ପାଖରେ କାମନା କରୁଛୁ ।
Comments are closed.